DANIELI 2:12 - Biblia Ilagho Jiboie Kwa Wandu Wose

¹² Kwa ilagho ijo, mzuri ukajokwa ni machu loli loli, ukafunya momu wandu wose wa hekima wiko Babuloni witotesho.

DANIELI 2:12 ပူးပေါင်းရင်းမြစ်များ

AYUBU 5:2

Loli kipepe chabwaghaa mkelu, na iriso jabwaghaa mundu wa ndonyi.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

MAKATANISHO 16:14

Mzuri ukajokwa ni machu wadima kubwagha mundu, mundu uko na hikima uchaghihoresha.

MAKATANISHO 19:12

Machu gha mzuri gheeka sa mrurumo ghwa shimba, ela wurumirio ghwake ghooka sa mami ghiko nyasinyi.

MAKATANISHO 20:2

Machu ghioboshagha gha mzuri, ni sa kururuma kwa shimba; mundu ukam'bonya ujoko ni machu, wadalaghasha irangi jake.

MAKATANISHO 29:22

Mundu wa lubio, wadawusira nganyi, na mundu wa machu wadashekeria makosa mengi ghibonyeke.

DANIELI 2:24

Niko Danieli ukamghendia Arioko, uo orewikiloghe ni mzuri uwitoteshe wandu wa hikima wa Babuloni ukamzera, “Kusakewitotesha wandu wa hikima wa Babuloni; nighenje kwa mzuri, nani nichammanyisha mzuri kutammbua kwaro iyo ndodo.”

DANIELI 2:5

Mzuri ukawitumbulia, “Kwa loli mkalemwa ni kunimanyisha iyo ndodo na kutambua kwaro, mchadumbulwa viluponge viluponge, na nyumba renyu richachikanywa na kuinjwa.

DANIELI 3:13

Mzuri Nebukadnezari ukajokwa ni machu, ukafunya momu Shadraka, na Meshaki, na Abednego wiredo imbiri kwake. Nao wikawireda imbiri ya mzuri.

DANIELI 3:19

Niko Nebukadnezari ukajokwa ni machu loli loli, na wushu ghwake ghukaghaluka aighu ya Shadraka, na Meshaki, na Abednego. Ukafunya momu jija iwiwi ja modo jichurilo mando mfungade kuchumba seji modo ghwaro ghorekundikieghe.

DANIELI 5:19

Kwa wundu ghwa ugho wubaa oremnekieghe, wandu wose wa mbari na viteto weremuobueghe na kumsughusikia; uo orekundieghe kum'bwagha, orem'bwaghieghe; na uo orekundieghe ukaie moyo, orekaieghe moyo; uo orekundieghe kumjosa, oremjosereghe; na uo orekundieghe kumsera, oremserieghe.

MATHAYO 2:16

Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri.

MATHAYO 5:22

Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu.