DANIELI 12:7 - Biblia Ilagho Jiboie Kwa Wandu Wose

⁷ Nao uo malaika urwae marwao gha kitani, uko nalughu ya machi gha ugho moda ukawusira mikonu yake yose nokoighu cha mlungunyi; ngamsikira ukighema kwa uo uduagha moyo kwa kala na kala kukaia, ichadwa ngelo, na ngelo iwi, na nusu ngelo; na ndighi ra waeli rikameria kuvika kutua kwaro, malagho agho ghose ghichakaia ghakatishwa.

DANIELI 12:7 ပူးပေါင်းရင်းမြစ်များ

AYUBU 27:2

“Naghema kwa Mlungu uko moyo uo uniimie hachi rapo, na kwa Uo-Uwadie-Ndighi-Rose uo ujibonyere irangi japo jikaie ja wasi,

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

EZEKIELI 20:5

Kuwizere seji Ini Bwana MLUNGU naghamba: Ituku neremsaghueghe Israeli, nerebonyereghe ighemi na kivalwa cha wana wa Jakobo, ngikumanyisha ini moni kwawo andenyi ya isanga ja Misri ngighamba, Ini ne BWANA Mlungu onyu.

DANIELI 10:5

Ngawusira meso ghapo na kuzighana, ngawona mundu urushiro nguwo ya kitani, urwae mkowa ghwa dhahabu iboie na ndighi kiwonunyi kwake.

DANIELI 11:13

“Mzuri wa Siria uchawuya na kutumbanya ijeshi ibaa kuchumba ja imbiri; na nyuma ya miaka imu kuida, uchasea na ijeshi ibaa kuchumba, jiko na kula kilambo.

DANIELI 12:6

Na umu wawo ukamkotia uo malaika orerwaeghe marwao gha kitani, uo orekoghe nalughu kula na ugho moda, “Ichadwa ngelo ing'ane wada ima divikie kutua kwa agho mashiniko?”

DANIELI 12:8

Neresikireghe ela seretambukiloghe anduangi. Niko ngakotia, “Ee bwana wapo, kutua kwa iri maza kuchakaia wada?”

DANIELI 4:31

Hata imbiri ya madedo agho kusia momunyi kwa mzuri, lwaka lukacha kufuma mlungunyi lukighamba, “Ee Mzuri Nebukadnezari, kwazerwa huwu: Wuzuri ghwameria kuinjwa kwako.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 7:21

“Nao iji nerekoghe ngizighana, ulo lwembe lukabonya wuda na waeli lukawisima;

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

DANIELI 8:14

Nao ukamtumbulia, “Ichadwa matuku elfu imweri ighana jimweri na mirongo misanu vizongona va nakenyi na va nakesho visefunywagha. Konyuma Hekalu ichaeleshwa sena.”

DANIELI 8:24

Uchakaia na ndighi nyingi, ela si kwa kudima kwake. Uchanona hata uoboshe wandu, na kula ilagho uchaabonya jichasima. Uchawitotesha wandu wiwadie ndighi, na waeli.

LUKA 21:14

Kaienyi mmange ngolonyi konyu msecheja wasi, wei mchatumbulia wada;

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

WUKUMBUSO 26:19

Ucham'bonya wabaa kuchumba mbari ingi ya wandu uwiumbie, nenyu mchajikasa na kujibonyera ishima irina jake. Mchakaia wandu wake moni, sa iji koni orelaghirieghe.”

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

WUKUMBUSO 32:40

Loli sa iji koni ini niko Mlungu uko moyo, naghorua mkonu ghwapo na kughema,

WUKUMBUSO 7:6

Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.

WUFUNUO 12:6

Uo muka ukakimbia cha kireti, andu Mlungu orem'boisireghe wulalo ghwake, upate kulishwa aho matuku elfu imweri maghana awi na mirongo irandadu.

WUFUNUO 13:5

Na iyo nyamandu erenekeloghe kughora malagho gha masholio kwa lung'eto, ikanekwa meri mirongo ina na iwi ebonya nguma.

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:9

Hata iro nyamandu riko moyo rikameria kumneka wubaa na ishima na chawucha, uo uko kidombo kifumbinyi cha nguma, uo uduagha moyo kwa kala na kala,