DANIELI 12:4 - Biblia Ilagho Jiboie Kwa Wandu Wose

⁴ Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

DANIELI 12:4 ပူးပေါင်းရင်းမြစ်များ

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 29:11

Mafunuo ghose gha wulodi ghamerie kuviswa konyu, karakara na chuo chikabilo mhuri. Mndungi uichi kushoma ukanekwa chuo icho ukizerwa uchishome uchaghamba, “Sidimagha kuchishoma angu chikabilo mhuri.”

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

ISAYA 32:3

Niko meso gha awo wiwonagha ghisechaatungurishwa sena, na madu gha awo wisikiragha wichaasikira.

ISAYA 8:16

Kughufunge ugho wushuhuda na kuikaba muhuri sharia aghadi ya wanughi wapo.

JEREMIA 5:1

Kimbienyi ii chia na ii chia andenyi ya chia ra Jerusalemu, mzighane nicha, lolenyi viwachenyi vake kose, ngera mwadima kuwona mndungi ubonyagha hachi, ulolagha loli, nani nichaghufuya wughoma ugho muzi.

DANIELI 10:1

Mwaka ghwa kadadu ghwa Koreshi mzuri wa Pashia, Danieli uo orewangwagha Belteshazari orenekeloghe wufunuo. Wufunuo ugho ghorekoghe ghwa loli, ghwa malagho gha wuda m'baa. Danieli ukamanya kutambua kwaro wufunuo ugho andenyi ya mawono.

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

DANIELI 10:21

Ndekuwadie mndungi unitesiagha, ela Mikaeli uo malaika onyu. Idana nichakumanyisha agho ghiandikilo andenyi ya Chuo cha Loli.

DANIELI 11:33

Wandu wiko na hikima aghadi ya awo wandu, wichawifundisha wengi; hata ngera wichabwaghwa kwa lufu, angu kukorwa, angu kubarishwa kwa ngelo imu.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 12:13

Ela oho Danieli, ghenda chia yako hata kutua. Oho kuchafwa kuhore, na sena kucharuka kupate ifungu ja ifwa jako ngelo ya kutua.”

DANIELI 12:5

Niko ini Danieli nerezighanireghe, ngawona wandu wamu wawi wiko kimusi, umu ichi kimonu cha moda, na umu chija kimonu cha moda.

DANIELI 12:9

Ukanitumbulia, “Ghenda chia yako Danieli, kwa kukaia malagho agha ni ngasu ikabilo mhuri hata kukatia kwa ngelo.

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

DANIELI 8:19

Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

DANIELI 8:26

Agho mawono gha vizongona va nakenyi na va nakesho kuwonyero ni gha loli. Ela kuseghighore, angu ni gha ngelo nyingi richagha.”

MATHAYO 24:14

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

WAROMA 10:18

Ela niakotia, da loli ndewisikire? Loli wasikire putu, angu: “Chwaka rawo rasikirikie ndoenyi kose na madedo ghawo ghaerie hata kutua kwa ndoenyi.”

WUFUNUO 10:4

hata iji iro chukuwa mfungade rerededieghe, ngakunda kuandika; ela neresikireghe lwaka kufuma mlungunyi lukighamna, “Agho malagho gha chukuwa radeda, ni ngasu; kusakeghiandika.”

WUFUNUO 22:10

Nao ukanizera, “Kusakevisa malagho gha wulodi ghwa chuo ichi, angu ngelo yaro yalighisa.

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.