DANIELI 12:2 - Biblia Ilagho Jiboie Kwa Wandu Wose

² Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

DANIELI 12:2 ပူးပေါင်းရင်းမြစ်များ

MAKATANISHO 12:8

Mundu uko na hikima wadakaswa, ela mkelu wadamenywa.

ISAYA 26:19

Wafu wako wichakaia moyo, mimbi yawo icharuka. Inyo wandu mkaiagha makaburinyi; wukenyi mmbore kwa kuboilwa! Kwa kukaia mami ghako BWANA ni gha mwengere; nagho kuchawinyeshera awo wafu wifue kokala.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

EZEKIELI 37:12

Kwa huwo, funya wulodi kuwizere, Ini Bwana MLUNGU naghamba huwu, Nicharughua makaburi ghenyu, na kumrukisha mfume makaburinyi konyu, wandu wapo, nani nichamreda isangenyi mzenyu ja Israeli.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

MATHAYO 25:46

Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”

MABONYO GHA WADUMI 24:15

Neko na isuwirio kwa Mlungu, ijo jeni nawo wawuyajirumiria; kukaia, kuchakaia na kuruka kwa wafu kwa wandu wose, wecha na wawiwi.

MABONYO GHA WADUMI 7:60

Nao ukadunga ngokoro ukakema na lwaka lubaa, “Bwana kusekewitalia kaung'a ihi.” Uendaghora huwo, ukafwa.

WAROMA 9:21

Welee, mvimbi ndeko na nguma aighu ya wongo kubonya kilambo chimu chighokie, na chimu chiseghokie kufumanya na jija idonge jeni jimweri ja wongo anguwada?

1 WATHESALONIKE 4:14

Kwa kukaia isi darumirie kukaia Jesu orefueghe na kuruka sena, huwo koni Mlungu uchawireda andwamweri na Jesu awo werefueghe wikirumiria kwake.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.