DANIELI 11:6 - Biblia Ilagho Jiboie Kwa Wandu Wose

⁶ Nyuma ya miaka imu, mzuri wa Misri, uchawadana na mzuri wa Siria. Uo mzuri wa Misri uchamlowora mwai wake eri wikaie na sere. Uo mwai ndechaadua na iro ndighi rake, hata mumi wake na mwana wake ndewichaakaia na ndighi redua, ela matuku agho uchabwaghwa chiaimweri na mumi wake na mwana wake na wadumiki wake.

DANIELI 11:6 ပူးပေါင်းရင်းမြစ်များ

AYUBU 38:15

Mwengere ghwa dime ghwawuya m'baa kwa wawiwi; ghwawighiria wisebonye wuwiwi ghwawo.

ZABURI 10:5

Maza rake radakaia nicha ngelo rose; wakukasire hata ndetambukilwagha ni kutanya kwa Mlungu. Wadawiseka wamaiza wake wose kwa lumenyo.

EZEKIELI 30:21

“Mwana wa mdamu, namerie kuchikanya mkonu ghwa mzuri wa Misri; nagho hoghu ndeghufungilo wei ghuboo, na kupata ndighi relwa wuda sena.

DANIELI 11:13

“Mzuri wa Siria uchawuya na kutumbanya ijeshi ibaa kuchumba ja imbiri; na nyuma ya miaka imu kuida, uchasea na ijeshi ibaa kuchumba, jiko na kula kilambo.

DANIELI 11:15

Niko aho mzuri wa Siria uchacha na kughurughaia ugho muzi ghwa ngome, na kughuwada. Na majeshi gha Misri ghichasimwa chiaimweri na agho masikari agheni ghiko mang'oni kuchumba; kwa kukaia wichasirilwa ni ndighi putu redima kulwa wuda.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 11:7

Ngelo iyo, umu wa kivalwa chake uchawuka kuwada wulalo ghwake, nao uchakaba ijeshi ja mzuri wa Siria, uchawada ngome rawo na kuwisima.

ZEKARIA 11:16

Nawikie mlisha ozighana chagha chapo, ela ndetesiagha ng'ondi riturusiro ni kutoteshwa hata kulola rilagharie, angu kurighita iro rishoghonokie, angu kulisha iro riko banana. Wulalo ghwaro wadaja nyama ra iro ribandie na kubara kochokocho raro.