DANIELI 11:45 - Biblia Ilagho Jiboie Kwa Wandu Wose

⁴⁵ Nao uchadunga hema rake ra kiwuzuri ghadi na ghadi ya bahari na ghuja mghondi ghughokie ghwa wueli andu Hekalu ikaiagha. Ela sena uchafwa usepatire mndungi omtesia.”

DANIELI 11:45 ပူးပေါင်းရင်းမြစ်များ

ZABURI 48:2

Ugho mghondi ghwa Sioni, ghuko cha kaskazinyi, ghwawukie ighu; ghwaghokie, nagho ni muzi ghwa Mzuri m'baa, ghuredagha kuboilwa ndoenyi kose.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 14:13

Koreghambieghe ngolonyi kwako, ‘Nichajoka ighu hata mlungunyi; ighu kuchumba nyerinyeri ra Mlungu, na kuwika kifumbi chapo cha nguma koighu. Nichasea kidombo niide mido ya mghondi ghwa ikwanyiko ja milungu, noko kula cha kaskazinyi.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

ISAYA 27:13

Na ngelo iyo tarumbeta mbaa ichakabwa, na awo werelagharieghe isanga ja Ashuru, na awo werewingiloghe cha isanga ja Misri, wichacha kumtasa BWANA aighu ya mghondi ghuelie Jerusalemu.

ISAYA 65:25

Kikwau na mwana wa ng'ondi wichajanya, na shimba ichaja nyasi sa ng'ombe, hata teri ichawuya vindo va choka. Richakaianya kuseko na kushoghonuana angu kunona kilambo chingi aighu ya kula andu kwa wueli mghondinyi kwapo.”

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

EZEKIELI 39:2

Nichamghalua na kumghenja kufuma noko kula kutuonyi kwa kaskazinyi, wendelwa aighu ya mighondi ya Israeli.

DANIELI 11:16

Kilongozi wa Siria uchabonya sa iji koni ukunde, usetangalwagha ni mndungi; uchangia hata andenyi ya Isanga ja Ilaghiro, na kujibonyera nguma.

DANIELI 11:41

Uchangia hata Isanga ja Ilaghiro, na maelfu ikumi gha wandu wichabwaghwa. Ela masanga gha Edomu na Moabu na andu kubaa kwa Waamoni, wandu waro wichafufunuka.

DANIELI 11:44

Ela malagho ghifumagha mashariki na kaskazinyi ghichamkambira chongo, nao uchalwa kwa machu mabaa na kubwagha wandu wengi.

DANIELI 2:35

Niko chuma, na feza, na shaba, na dhahabu, vose vikachika vipande vipande; vikawuya sa teri ya kwari kwalazi, na kiremba chikaweta na kuiduka noko, hata isemanyike wei kokoghe na kilambo aho. Ela ijo igho jereipotokieghe jikawuya ibaa na kuwuya mghondi m'baa hata ghukafinikira ndoenyi kose.

DANIELI 7:26

Koti ya mlungunyi ichasea kidombo, na wuzuri ghwa uo mzuri ghuchainjwa, ghupate kumerelwa na kunonwa ghose.

DANIELI 8:25

Uchatumia mikalo upate kuwona nicha, nao uchakughesha moni kukaia m'baa. Uchawitotesha wengi wisemanyire, wikikaia na sere. Uchatima hata kulwa na M'baa wa wabaa, ela uchasia moni usekabilo ni mdamu ungi.

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

DANIELI 9:20

Ngachuria kulomba, na kurumiria kaung'a rapo na ra wandu wapo Israeli. Ngamvoya BWANA Mlungu wapo uiaghe sena Hekalu yake ya wueli.

JOELI 2:20

Nichajiinja ijeshi ja zighe rifumie kaskazinyi, nani nichawinga rimu cha kireti. Ifungu ja imbiri jichangia Bahari ya Chumbi, na ifungu ja nyuma jichangia Bahari ya Mediterania. Gharia raro richanuka. Nichawitotesha kwa wundu ghwa agho ghose wim'bonyere.

MIKA 4:2

Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA, Hekalunyi kwa Mlungu wa Israeli. Uchadifundisha agho ukunde dighibonye; nesi dichaghenda na chia uisaghue. Kwa kukaia sharia ichafuma Sioni, na ilagho ja BWANA jichafuma Jerusalemu.”

ZEKARIA 14:8

Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.

MITALO 34:5

ghukaghaluka kufuma Azmoni ghuvike kamoda ka Misri na kutua Bahari ya Mediterania.

2 WATHESALONIKE 2:4

uo utangalagha na kukujosa moni aighu ya kula kindo chiwangwagha mlungu, angu kilambo chetaswa, hata uvikie kusea kidombo andenyi ya Hekalu ya Mlungu, ukikughora uo moni kukaia Mlungu.

2 WATHESALONIKE 2:8

Niko uja Mleghi uchafunukulwa, na Bwana Jesu ucham'bwagha kwa miruke ya momu ghwake na kumtotesha kwa kuwoneka kwake na kucha kwake.

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

WUFUNUO 20:2

Nao ukaiwada ija choka, iyo choka ya kala, nao ni uo Ibilisi na Shetani, ukamfunga miaka elfu,

WUFUNUO 20:9

Nawo wikaghenda ndoenyi kose; wikaimara kambi ya waeli na ugho muzi ghukundo. Ela modo ghukasea kufuma mlungunyi na kuwitotesha.