DANIELI 11:40 - Biblia Ilagho Jiboie Kwa Wandu Wose

⁴⁰ “Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 11:40 ပူးပေါင်းရင်းမြစ်များ

ISAYA 21:1

Agha ni malagho aighu ya kireti cha baharinyi. Wuwiwi ghuchacha karakara na kiremba kibaa chiwetagha Negebu.

ISAYA 5:28

Mawanu ghawo ghakalie, na ndana rawo rafungilo; kochokocho ra farasi rawo rakurie sa magho, na magurudumu gha magare ghawo ghiamara sa kikulughulu.

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

JEREMIA 4:13

Wonenyi! M'maiza waawuyacha sa mawingu. Magare ghake ghaawuyacha sa kikulughulu, na farasi rake raangue kuchumba indu. Ni bugha kodu, kwa kukaia dameria kusia!

EZEKIELI 38:4

nichakungira koleo ra muzunyi, na kukughalua ii chia na ii chia, na kukukurudua chiaimweri na ijeshi jako jose, na farasi na wajoki farasi; wose wirushiro maswagha, izungu ibaa nandighi, wiko na ngao ndini na mbaa, wiwadie chufu.

EZEKIELI 38:9

Kuchawuka na kucha sa kiremba, na sa ikungughu ibaa kujifinikira isanga; kuchawichea na masikari ghako ghose, na wandu wengi mkwanye.”

DANIELI 11:10

“Wana wa mzuri wa Siria wichakuboisa kwa wuda; wichakwanya wandu na kubonya ijeshi ibaa, nawo wichaghenda kwa wungi na kubonya wuda hata ngomenyi rake.

DANIELI 11:11

Ela mzuri wa Misri uchajokwa ni machu, nao uchafuma kulwa na mzuri wa Siria, na kuwada jija ijeshi jake ibaa.

DANIELI 11:13

“Mzuri wa Siria uchawuya na kutumbanya ijeshi ibaa kuchumba ja imbiri; na nyuma ya miaka imu kuida, uchasea na ijeshi ibaa kuchumba, jiko na kula kilambo.

DANIELI 11:22

Ijeshi jimtangalagha uchajiinja; uchainja hata na Mkohani M'baa wa Mlungu.

DANIELI 11:25

“Uchatima kwa wuing'oni ghwake kutumbanya ijeshi upate kulwa na mzuri wa Misri; na mzuri wa Misri uchawuka na ijeshi jake ibaa kulwa nao, ela mikalo ichaatumilwa aighu yake icham'bonya usimo.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

DANIELI 11:39

Ucharikaba ngome rimange na ndighi kwa kuteselwa ni wandu witasagha mlungu ghwa kighenyi; na awo wandu wiko na irumirio nao, uchawijosa daraja na kuwineka ishima. Uchawibonya wikaie na nguma aighu ya wandu wengi, na kuwinosa kwa kuwiwaghia isanga.

DANIELI 11:7

Ngelo iyo, umu wa kivalwa chake uchawuka kuwada wulalo ghwake, nao uchakaba ijeshi ja mzuri wa Siria, uchawada ngome rawo na kuwisima.

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

DANIELI 12:9

Ukanitumbulia, “Ghenda chia yako Danieli, kwa kukaia malagho agha ni ngasu ikabilo mhuri hata kukatia kwa ngelo.

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

HABAKUKI 3:14

Kukamlasa kilongozi wa ijeshi jake na iwanu jako, ijo jeredichieghe sa kikulughulu kudisaghisa, jikiboilwa sa wandu wimkorongagha mkiwa kivisonyi.

ZEKARIA 9:14

Niko BWANA uchafutuka aighu ya wandu wake, na kukumba mawanu ghake sa luhehia; BWANA Mlungu uchakaba tarumbeta, na kughenda andenyi ya kikulughulu cha kusinyi.

WUFUNUO 16:12

Nao malaika wa karandadu ukawada bakuli yake, na kudia aighu ya ugho moda m'baa ghuwangwagha Eufrate, na machi gharo ghikaoma; chia ipate kuboiswa kwa wundu ghwa wazuri wifumagha cha mashariki.

WUFUNUO 9:16

Nani neresikireghe mtalo ghwa agho majeshi ghorekoghe milioni maghana awi.