DANIELI 11:36 - Biblia Ilagho Jiboie Kwa Wandu Wose

³⁶ “Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 11:36 ပူးပေါင်းရင်းမြစ်များ

ZABURI 136:2

Mfunyirenyi Mlungu chawucha, uo uko aighu ya milungu yose; lukundo lwake lukatie lwadua kwa kala.

ZABURI 33:10

BWANA wadarinona njama ra mbari ra wandu, na kuivurugha mipango yawo.

MAKATANISHO 19:21

Mipango ya mdamu ni mingi, ela lukundo lwa BWANA nilo lukatishwagha.

ISAYA 10:23

Angu uo Bwana, BWANA wa majeshi uchakatisha maza rose ndoenyi sa iji koni orelaghirieghe.

ISAYA 10:25

Angu andenyi ya ngelo ndinieri, machu ghapo ghichasia, nani nichawighalukia Waashuru kwa machu ghapo nipate kuwitotesha.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 14:13

Koreghambieghe ngolonyi kwako, ‘Nichajoka ighu hata mlungunyi; ighu kuchumba nyerinyeri ra Mlungu, na kuwika kifumbi chapo cha nguma koighu. Nichasea kidombo niide mido ya mghondi ghwa ikwanyiko ja milungu, noko kula cha kaskazinyi.

ISAYA 14:14

Nichajoka ighu niide mawingunyi, nichakaia karakara na Uo-Uko-Aighu-Nandighi.’

ISAYA 26:20

Choonyi wandu wapo, mngie vumbenyi konyu; mrughe minyango na kukuvisa kwa kapindi; hata agho machu ghameria kusia.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

ISAYA 46:10

Kufuma kala nadaghora maza richagha imbiri risechee, maza righorelo kon kala uko risebonyekie; ngighamba ‘Njama rapo richadua, na mipango yapo nichaikatisha;’

ISAYA 57:9

Mwabonyere charo kwendatasa Moleki, mwadwae mavuda na marumba mengi; nenyo mwawiduma wandu wengi noko kula hata Andu kwa Wafu.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 35:13

Mkakukasa mkideda malagho mengi aighu yapo nani ngasikira.”

DANIELI 11:16

Kilongozi wa Siria uchabonya sa iji koni ukunde, usetangalwagha ni mndungi; uchangia hata andenyi ya Isanga ja Ilaghiro, na kujibonyera nguma.

DANIELI 11:3

“Niko uchawuka mzuri umu uko na ndighi nyingi, nao uchabonya nguma kwa ndighi mbaa na kubonya sa iji koni uchaakunda.

DANIELI 11:37

Uo mzuri ndechaatala milungu ya weke wawae, angu ugho mlungu ghukundo ni waka, angu mlungu ghungi mzima; kwa kukaia uchakukasa na kukujosa moni aighu ya iyo milungu yose.

DANIELI 12:7

Nao uo malaika urwae marwao gha kitani, uko nalughu ya machi gha ugho moda ukawusira mikonu yake yose nokoighu cha mlungunyi; ngamsikira ukighema kwa uo uduagha moyo kwa kala na kala kukaia, ichadwa ngelo, na ngelo iwi, na nusu ngelo; na ndighi ra waeli rikameria kuvika kutua kwaro, malagho agho ghose ghichakaia ghakatishwa.

DANIELI 2:47

Mzuri ukamzera Danieli, “Kwa loli Mlungu wako ni Mlungu wa milungu, na BWANA wa wazuri, na mtambushiri wa ngasu, kwa kukaia oho kwachadima kuitambua ngasu ihi.”

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

DANIELI 5:19

Kwa wundu ghwa ugho wubaa oremnekieghe, wandu wose wa mbari na viteto weremuobueghe na kumsughusikia; uo orekundieghe kum'bwagha, orem'bwaghieghe; na uo orekundieghe ukaie moyo, orekaieghe moyo; uo orekundieghe kumjosa, oremjosereghe; na uo orekundieghe kumsera, oremserieghe.

DANIELI 5:20

Ela iji orekujosereghe ngolonyi kwake, na kukurisha ngolo yake ukikukasa, oreinjiroghe kufuma kifumbinyi chake cha nguma.

DANIELI 7:8

Hata iji nerekoghe ngiririkanya iro mbembe, ngawona lwembe luzima lutinieri lukibuka na kuzoghua, lukakua mbembe idadu ra imbiri na virimba varo. Luja lwembe, lorekoghe na meso sa gha mdamu, na momu ghudedagha malagho mabaa.”

DANIELI 8:19

Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

DANIELI 8:4

Ngawona iyo bauru ikisindika cha magharibi, na kaskazinyi, na kusinyi. Ndekorekoghe na nyamandu ingi eredimagha kusimana nayo; hata ndekorekoghe na nyamandu ingi eredimagha kuvuvua mmbao angu kufufunuka kufuma kwa iro ndighi ra iyo bauru. Bauru iyo erebonyereghe sa iji koni erekundieghe, ikakukasa cheni.

ZEKARIA 11:16

Nawikie mlisha ozighana chagha chapo, ela ndetesiagha ng'ondi riturusiro ni kutoteshwa hata kulola rilagharie, angu kurighita iro rishoghonokie, angu kulisha iro riko banana. Wulalo ghwaro wadaja nyama ra iro ribandie na kubara kochokocho raro.

JOHANE 5:30

“Sidimagha kubonya ilagho jingi kwa nguma yapo ini moni anduangi; ela nadatanya sa iji nisikiragha kwa Aba, na kutanya kwapo ni kwa hachi, kwa kukaia silolagha lukundo lwapo ini moni anduangi, ela lukundo lwake uo orenidumieghe.

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

MABONYO GHA WADUMI 4:28

Nawo werebonyereghe ghose korekundieghe ghikatisho kwa mpango ghwako.

WUKUMBUSO 10:17

Angu BWANA Mlungu onyu ni Mlungu wa milungu, na BWANA wa weke bwana; ni m'baa wa kudima, nao ni Mlungu oobosha; usemtalagha mndungi kuchumba mmbao, hata ndehongwagha anduangi.

2 WATHESALONIKE 2:3

Msakekalilwa ni mndungi kwa ilagho jingi; angu Ituku ijo ndejichagha kande, kuja kulegha sharia kusechee, na uja Mleghi ufunukulo, uo mundu otota,

2 WATHESALONIKE 2:4

uo utangalagha na kukujosa moni aighu ya kula kindo chiwangwagha mlungu, angu kilambo chetaswa, hata uvikie kusea kidombo andenyi ya Hekalu ya Mlungu, ukikughora uo moni kukaia Mlungu.

2 WATHESALONIKE 2:8

Niko uja Mleghi uchafunukulwa, na Bwana Jesu ucham'bwagha kwa miruke ya momu ghwake na kumtotesha kwa kuwoneka kwake na kucha kwake.

JOSHUA 22:22

“Uo-Uwadie-Ndighi ni Mlungu, uo nuo BWANA! Uo-Uwadie-Ndighi ni Mlungu, Uo nuo BWANA! Uo wamanya kwaki dibonyere huwo, nesi dakunda na Israeli cheni imanye! Ikakaia dighalukie dikasigha kumrumiria BWANA, msedisighe kukaia moyo sena!

WUFUNUO 10:7

Ela iji malaika wa mfungade uchaaikaba tarumbeta yake, iyo ngasu ya Mlungu oreighorieghe ukitumia wadumiki wake, awo walodi, ichakatishwa.

WUFUNUO 12:14

ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.

WUFUNUO 13:1

Nao ngawona nyamandu ikijoka kufuma baharinyi, iko na mbembe ikumi na vongo mfungade; iro mbembe rake rerekoghe na virumbu ikumi, na irina ja masholio aighu ya vongo vake.

WUFUNUO 17:17

angu Mlungu oojingira ijo ilagho ja kukaia na nia imweri ngolonyi kwawo, hata wikaineka iyo nyamandu ndighi rawo ra kiwuzuri, eri wipate kughukatisha mpango ghwa Mlungu, hata malagho ghake ghameria kukatishwa.

WUFUNUO 17:3

Niko ukanidwa noko cha kireti, niko andenyi ya Roho; nani ngawona muka uko kidombo aighu ya nyamandu itinikie, ichue marina gha masholio, nayo erekoghe na vongo mfungade, na mbembe ikumi.