DANIELI 11:32 - Biblia Ilagho Jiboie Kwa Wandu Wose

³² Uchawighalua kwa mikalo awo wandu wisighie jija ilaghano ja wueli; ela awo wandu wimwichi Mlungu wawo wichafunga ndighi kujidederia.

DANIELI 11:32 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

NEHEMIA 4:14

Nerewonieghe kukaia wandu wakaia na wowa. Ngawuka na kuwizera vilongozi, na wabaa, na wandu wazima wose, “Msakewiobua wamaiza wedu. Kumbukenyi seji BWANA uko m'baa, oobosha, muwilue wanyinyu na wana wenyu wa womi, na wa waka, waka wenyu na mizi yenyu.”

ZABURI 9:10

Na awo wikuichi wadakusaghika kwako, angu oho ee BWANA ndekuwisighie awo wikulolagha anduangi.

MAKATANISHO 19:5

Mshahidi wa tee ndechaasighwa usepatire ikabo, na uo ughoragha tee ndechaafufunuka.

MAKATANISHO 26:28

Mundu ukaliagha mmbao wadazamilwa ni uo; madedo ghiseko na wuloli, ghadanona.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

DANIELI 11:21

Uo malaika ukachuria kughora, “Nyuma yake, uchawuka mndumu umenyekie, usesaghulo ni mwandu ghwa wuzuri. Uchangia tu wandu wisemanyire, na kughuwusa wuzuri kwa mikalo.

DANIELI 11:34

Ingelo wibwaghwagha, wichakaia wikipata wutesia mtini; na wengi wichawinugha ighu-ighu tu.

ZEKARIA 10:12

Nichawibonya wandu wapo wikaie na ndighi, wichanitasa na kunisikira.” Ini BWANA naghamba.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

WUFUNUO 6:11

Niko kula umu orenekeloghe nguwo ndacha ya chokwa, wikazerwa wichurie kuhoresha katini, hata mtalo ghukate ghwa wadumiki wambao, na waruna awo werekoghe wibwagho sa awo weni.