DANIELI 11:27 - Biblia Ilagho Jiboie Kwa Wandu Wose

²⁷ Na awo wazuri wawi wichasea kidombo meza imweri kuja vindo, wikikaia na wuwiwi ngolonyi kwawo. Wichakaia wikighoriana tee weni na weni, wisedimagha kuvikia kudumbua ilagho jingi; angu kutua kwawo kuchacha kwa ngelo ilaghirilo.

DANIELI 11:27 ပူးပေါင်းရင်းမြစ်များ

2 SAMUELI 13:26

Niko Absalomu ukaghamba, “Ngera kwalegha, sigha mwandeo Amnoni dighendanye.” Mzuri ukaghamba, “Kughendanya nao waki?”

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 52:1

Kwaki kukukasagha na wuwiwi ghwako ee mundu kuwadie ndighi, kukighamba wei lukundo lwa Mlungu ni lwa matuku ghose aighu kwako?

ZABURI 58:2

Hata! Mwadaririkanya mawiwi maduu ngolonyi konyu, na kukita wandu ndoenyi.

ZABURI 62:9

Wandu wa ndonyi ni sa miruke cheni, na wandu wa ighu si kilambo chingi; wikapimwa, wiawuka nokoighu; waangue kuchumba miruke.

ZABURI 64:6

Nani udimagha kumanya wuwiwi ghodu? Damerie kuririkanya na kukatisha njama redu ra mikalo.” Angu mdamu ooka ukuvisire ndenyi.

MAKATANISHO 12:20

Wandu wa mipango ya wuwiwi wadakaia na tee ngolonyi kwawo, ela awo wipimagha malagho gha sere, wadareda maboilo.

MAKATANISHO 19:21

Mipango ya mdamu ni mingi, ela lukundo lwa BWANA nilo lukatishwagha.

MAKATANISHO 26:23

Madedo ghisingie ghidedwagha na ngolo mbiwi, gheeka sa kaure, ishingilo chombo cha wongo.

EZEKIELI 17:9

“Idana wizere, Ini Bwana MLUNGU naghamba huwu, Welee, loli ughu mzabibu ghukaia nicha? Ija indu ndeighukuagha na kuridumbua mbashu raro hata ivo vishekero varo viome? Ndeghukunde ndighi nyingi, hata wandu wengi weghuruda na kughukua.

DANIELI 10:1

Mwaka ghwa kadadu ghwa Koreshi mzuri wa Pashia, Danieli uo orewangwagha Belteshazari orenekeloghe wufunuo. Wufunuo ugho ghorekoghe ghwa loli, ghwa malagho gha wuda m'baa. Danieli ukamanya kutambua kwaro wufunuo ugho andenyi ya mawono.

DANIELI 11:28

Mzuri wa Siria uchaghala isangenyi kwake na vilambo vingi uvidwae wunyika, ela ngolo yake ichakaia ikilola chia enona ilaghano ja wueli; uchabonya sa iji ukundagha na kuwuya cha isangenyi jake.

DANIELI 11:29

“Kwa ngelo iwikilo, uchatima sena kungia Misri, ela ngelo ihi maza richamghalukia wuzima.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

DANIELI 8:19

Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MABONYO GHA WADUMI 1:7

Ukawizera, “Si aighu enyu kumanya malagho gha ngelo na vimu uviwikie uja Aba kwa nguma yake anduangi.

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

1 WATHESALONIKE 5:1

Ela wanidu kwa wundu ghwa malagho gha ngelo na vimu, ndemne haja eandikilwa ilagho jingi anduangi.