DANIELI 11:12 - Biblia Ilagho Jiboie Kwa Wandu Wose

¹² Mzuri wa Misri uchakukasa kwa wusimi ghwake, na seji wabwagha masikari mengi, ela ndechaakaia msimi matuku ghose anduangi.

DANIELI 11:12 ပူးပေါင်းရင်းမြစ်များ

2 WAZURI 14:10

Idana oho Amazia kwamerie kuwisima Waedomu nandighi, na oho kwachulwa ni kukukasa kubaa ngolonyi kwako; katwa ni ugho wubaa ghwako kukaie mzinyi. Kwaki sena kukuloliagha malagho ghekughusha oho chiaimweri na Juda?”

2 MALAGHO GHA NGELO 25:19

Oho kuaghora wei kwaisimie Edomu, na idana kwaawuyakujosa na kukukasa. Ela idana kaia mzinyi; kwaki kukuloliagha malagho ghekubwagha, oho chiaimweri na wandu wa Juda?”

2 MALAGHO GHA NGELO 26:16

Ela nguma rake riendachurikia, ukangilwa ni kukukasa komtotesha. Orelemeloghe ni kukaia mloli kwa BWANA, Mlungu wake, ukangia Hekalunyi ufukire marumba aighu ya madhabahu.

2 MALAGHO GHA NGELO 32:25

Ela Hezekia ukasowa chawucha ingi kwa wundu ghwa ijo orebonyeroghe, angu orekoghe na lukaso. Kwa huwo BWANA ukawibonyera machu uo moni na wandu wa Juda, na Jerusalemu.

MAKATANISHO 16:18

Kukujosa kwadareda kunoneka; na roho ya lumenyo yadareda kughwa.

EZEKIELI 28:17

Korekukasireghe nandighi, kwa wundu ghwa kughoka kwako; kukainona hikima yako kwa wundu ghwa uko kuboa kwako. Nerekuchunueghe hata andoenyi, ngakufunukua kwa wazuri, wipate kukuzighana na kukufundisha kwako.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 28:5

Kwachurie mali rako kwa hikima yako mbaa ebonya biashara, kukachulwa ni lukaso ngolonyi kwako kwa wundu ghwa iro mali rako.

DANIELI 11:11

Ela mzuri wa Misri uchajokwa ni machu, nao uchafuma kulwa na mzuri wa Siria, na kuwada jija ijeshi jake ibaa.

DANIELI 11:13

“Mzuri wa Siria uchawuya na kutumbanya ijeshi ibaa kuchumba ja imbiri; na nyuma ya miaka imu kuida, uchasea na ijeshi ibaa kuchumba, jiko na kula kilambo.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 8:25

Uchatumia mikalo upate kuwona nicha, nao uchakughesha moni kukaia m'baa. Uchawitotesha wengi wisemanyire, wikikaia na sere. Uchatima hata kulwa na M'baa wa wabaa, ela uchasia moni usekabilo ni mdamu ungi.

WUKUMBUSO 8:14

Mzighane msekukase na kumliwa BWANA Mlungu onyu, uo oremfunyireghe isanga ja Misri nyumba ya wuzumba.

1 TIMOTHEO 3:6

Usekaie mundu ughalukie kafwani, usechekalikia na kukujosa, nao uchetanywa sa Ibilisi.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”