DANIELI 11:11 - Biblia Ilagho Jiboie Kwa Wandu Wose

¹¹ Ela mzuri wa Misri uchajokwa ni machu, nao uchafuma kulwa na mzuri wa Siria, na kuwada jija ijeshi jake ibaa.

DANIELI 11:11 ပူးပေါင်းရင်းမြစ်များ

1 WAZURI 20:13

Nao mlodi ukamchea Ahabu mzuri wa Israeli ukamzera, “BWANA wakuzera iji izungu ibaa ja wandu kwawuyajiwona uchajingira mikonunyi kwako idime, na oho kuchamanya kukaia uo ni BWANA.”

1 WAZURI 20:28

Nao mlodi ukamchea Ahabu mzuri wa Israeli ukamzera, “BWANA waghora huwu, ‘Kwa kukaia Wasiria waghamba wei ini ne mlungu wa mighondi se wa wurindi kungi, nichajingira iji izungu jose mkonunyi kwako, na oho na wandu wako mchamanya kukaia ini ne BWANA.’”

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

JEREMIA 27:6

Idana nanekie mdumiki wapo Nebukadnezari mzuri wa Babuloni agha masanga ghose, sena namnekie nyamandu ra mlambenyi rimdumikie.

DANIELI 11:12

Mzuri wa Misri uchakukasa kwa wusimi ghwake, na seji wabwagha masikari mengi, ela ndechaakaia msimi matuku ghose anduangi.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 11:44

Ela malagho ghifumagha mashariki na kaskazinyi ghichamkambira chongo, nao uchalwa kwa machu mabaa na kubwagha wandu wengi.

DANIELI 11:5

“Niko mzuri ufumagha cha Misri uchakaia nandighi, ela umu wa wabaa wake uchakaia na ndighi kumchumba; na wuzuri ghwake ghuchakaia m'baa kuchumba.

DANIELI 2:38

Sena wakunekie wadamu andu kose wiko, na nyamandu ra isakenyi, na nyonyi ra mbeonyi, kupate kubonya nguma aighu yawo wose. Oho ko icho chongo cha dhahabu.

DANIELI 8:7

Ngawona ikiitika ija bauru, kwa lubio lubaa na kuchikanya mbembe rake iwi. Ija fwandi ikaisirisha ndighi na kuighusha andonyi. Ikaifasha-fasha na maghu ghake, hata ndekorekoghe na mndungi odima kuvuvua ija bauru kufuma kwa ndighi ra ija fwandi anduangi.