DANIELI 10:5 - Biblia Ilagho Jiboie Kwa Wandu Wose

⁵ Ngawusira meso ghapo na kuzighana, ngawona mundu urushiro nguwo ya kitani, urwae mkowa ghwa dhahabu iboie na ndighi kiwonunyi kwake.

DANIELI 10:5 ပူးပေါင်းရင်းမြစ်များ

ISAYA 11:5

Hachi ichakaia sa mkowa ghofunga kiwonu chake, na wuloli sa mkowa kiwonunyi kwake.

JEREMIA 10:9

Feza ichanilo yaredelo kufuma Tarshishi, na dhahabu kufuma Ufazi. Iro ni kazi ra mundu wa wuya, richanilo ni mchani dhahabu, marwao ghawo ni gha ngundu-ngundu, na gha zambarau; iro rose ni kazi ra wandu wa wuya.

EZEKIELI 9:2

Shwa wori ngawona wandu warandadu wacha kufuma chia ya mbenge ya lughu ya Hekalu ilangayagha cha kaskazinyi; kula umu uko na iswagha jake jebwagha mkonunyi kwake. Werekwanyeghe na mndumu urwae nguwo ya kitani, uwadie kilambo cheandika luwarunyi kwake. Wikaghenda na kukaia kimusi kaavui na madhabahu ya shaba.

ZEKARIA 1:8

Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.

WAEFESO 6:14

Kwa huwu mangenyi, mkikaia na loli sa mkowa kiwonunyi konyu; na hachi sa ngao laghenyi konyu;

JOSHUA 5:13

Nao iji Joshua wavika kaavui na Jeriko, ukawona mndumu uko na lufu imbiri kwake. Ukamghendia na kumkotia, “Welee, oho koko luwaru lodu angu luwaru lwa wamaiza wedu?”