DANIELI 10:16 - Biblia Ilagho Jiboie Kwa Wandu Wose

¹⁶ Uo malaika ufwanane na mdamu ukaniadada momu ghwapo ngazoya kudeda. Ngamzera, “Ee bwana wapo, agha mawono ghanivavira, nani naasilwa putu.

DANIELI 10:16 ပူးပေါင်းရင်းမြစ်များ

KUFUMA 4:10

Ela Musa ukaghamba, “Ee, BWANA, wapo, ini siichi kudeda, hata sidimie kudeda nicha kufuma kwazoya kughora nani mdumiki wako; nadadeda mboa mboa, sena nadaghughumia.”

KUFUMA 4:13

Musa ukaghamba, “Ee BWANA wapo, nakulomba kudume mundu mzima.”

MCHILI 1:18

Hikima mbaa yadareda kusumbuka, na kumanya kubaa kwadareda wasi.

ISAYA 6:7

Ukaniadada momunyi kwapo na ijo ika, ukaghamba, “Ola iji jakuadada momu ghwako; wuwiwi ghwako ghwainjwa, na oho kwafuilwa wughoma.”

JEREMIA 1:9

Nao BWANA ukaghorua mkonu ghwake, ukaadada momu ghwapo. Ukanizera, “Ola nangira malagho ghapo momunyi kwako.

EZEKIELI 1:26

Naighu ya mawingunyi, agho gherekoghe naighu ya vongo vawo, korekoghe na kilambo chifwanane na kifumbi cha nguma chiko sa safire; na uo orechiserieghe orefwananeghe na mdamu.

EZEKIELI 3:27

Ela iji naghora na oho, nichaghutambua momu ghwako, na oho kuchawizera, ‘BWANA waghora huwu,’ uo uchaasikira, ndesikire, na uo uchaalegha kusikira, ndeleghe; kwa kukaia awo ni wandu welegha.

EZEKIELI 33:22

Luma lwa kenyi, imbiri ya uo mkimbii usechee, nerekoghe ngisikira ndighi ra BWANA; nakesho yaro, iji uo mkimbii orechieghe, BWANA ukafungua momu ghwapo nidede.

DANIELI 12:8

Neresikireghe ela seretambukiloghe anduangi. Niko ngakotia, “Ee bwana wapo, kutua kwa iri maza kuchakaia wada?”

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

DANIELI 7:15

“Na ini Danieli, nerekoghe ngija wasi na kusumbulwa ni agho mawono andenyi kwapo.

DANIELI 7:28

Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

DANIELI 8:15

Niendawona agho mawono, ini Danieli nerelolieghe nimanye kutambua kwaro; nani ngawona mndumu wakaia kimusi imbiri kwapo.

DANIELI 8:17

Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

DANIELI 8:18

Nao iji orekoghe ukidedanya nani, ngawadwa ni dilo nyingi wushu ghwapo ghwadunga andonyi; ela ukaniadada na kuniwusira kimusi.

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

DANIELI 9:21

Hata iji nerekoghe ngilomba, uo mundu Gabrieli neremmbonieghe andenyi ya mawono kiimbiri, ukanichea shwa ukiburuka, ngelo efunya kizongona cha nakenyi.

LUKA 1:64

Ahoeni momu ghwake ghukatambuka na lumi lwake lukafunguka, ukadeda ukimkasa Mlungu.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

JOHANE 20:28

Nao Tomasi ukamtumbulia, “Bwana wapo, na Mlungu wapo!”

JOSHUA 5:14

Uja mundu ukamtumbulia, “Hata. Ini nacha, ne m'baa wa majeshi gha BWANA.” Nao Joshua ukaghwa kiwushu-wushu na kudunga chongo chake andonyi. Ukatasa ukighamba, “Bwana wapo wakunde ini mdumiki wake nibonye wada?”

WUFUNUO 1:13

Na aghadi ya vinara va taa, nerewonieghe mndumu sa Mwana wa Mdamu, urwae nguwo ndacha, na mkumbo ghwa dhahabu ghufungilo laghenyi kwake.

WATANYI 13:8

Niko Manoa ukamlomba BWANA ukighamba, “Ee BWANA, nakulomba angu kumdume uo mundu wa Mlungu kumdumieghe udichee sena, udifundishe seji dichaam'bonyera uo mwana uchaavalwa.”

WATANYI 6:13

Gideoni ukamzera, “Nga Bwana, ikakaia BWANA oko andwamweri nesi, kwaki sena dapatwa ni iri maza rose? Iro kazi rake ra mashiniko dighorelo ni weke aba reko hao, iro werekoghe wikidighoria, wei BWANA wadifunyire isanga ja Misri? Ela idana BWANA wadisighie na kudikumba mikonunyi kwa Wamidiani.”

WATANYI 6:15

Gideoni ukamzera “Nga Bwana, nidima wada kuwikira Israeli nani ngifuma kwa kichuku kitini cha mbari ya Manase, sena ni ini mtini andenyi ya nyumba ya mzedu.”