DANIELI 10:1 - Biblia Ilagho Jiboie Kwa Wandu Wose

¹ Mwaka ghwa kadadu ghwa Koreshi mzuri wa Pashia, Danieli uo orewangwagha Belteshazari orenekeloghe wufunuo. Wufunuo ugho ghorekoghe ghwa loli, ghwa malagho gha wuda m'baa. Danieli ukamanya kutambua kwaro wufunuo ugho andenyi ya mawono.

DANIELI 10:1 ပူးပေါင်းရင်းမြစ်များ

KUZOYA 41:32

Uko kuwurilwa kawi kwa ndodo ya mzuri ni kughamba, Mlungu wamerie kujipanga ilagho ijo putu, sena uchajikatisha kafwani.

2 MALAGHO GHA NGELO 36:22

Mwaka ghwa imbiri ghwa Kuro mzuri wa Pashia, eri ilagho ja BWANA jipate kukatia kwaro, ijo jereghoreloghe ni Mlodi Jeremia, BWANA ukamngira Kuro mzuri wa Pashia ngolo eeresha malagho andenyi ya wuzuri ghwake ghose na kughiandika wori, ukighamba,

EZRA 3:7

Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.

EZRA 4:3

Ela Zerubabeli, Jeshua na wabaa wa vichuku Israeli wikawizera, “Ndedine haja ya wutesia ghonyu ghoagha Hekalu ya Mlungu odu; dichaiagha diweni sa iji koni Koreshi mzuri wa Pashia oredilaghirieghe.”

EZRA 4:5

Wikawihonga wabaa wa Serikali ya Pashia eri wibonye chia etangala wandu wa Juda wisekatishe mpango ghwawo matuku gha Koreshi mzuri wa Pashia, hata kuvikia ngelo ra Dario mzuri wa Pashia.

EZRA 6:14

Vilongozi va Kiyahudi wikachuria kuagha na kuwona nicha kwa kusikira machilo gha Mlodi Hagai na Zekaria mwana wa Ido. Wikameria iaghi jawo sa iji koni werelaghiriloghe ni Mlungu wa Israeli, na kwa malaghiro gha Koreshi, na Dario, na Artashasta wazuri wa Pashia.

EZRA 6:3

“Mwaka ghwa imbiri ghwa kubonya nguma kwa Koreshi, orefunyireghe momu kukaia Hekalu iko Jerusalemu iagho sena; andu vizongona vifunywagha, na vizongona vikorwagha. Hekalu iyo ikaie na wuighu ghwa meta mirongo iwi na mfungade na wushapa ghwaro meta mirongo iwi na mfungade wokoni.

ISAYA 44:28

Ni ini nimzeragha Koreshi, ‘Oho kuchabonya nguma kwa wundu ghwapo, na oho kuchakatisha makusudi ghapo;’ ngighuzera muzi ghwa Jerusalemu, ‘Kuchaaghwa; na misingi ya Hekalu ichaaghwa.’”

DANIELI 1:17

Mlungu ukawineka awa wandu wa irika bana hikima na kumanya kokufundisha; ukamneka Danieli kumanya, kutambua mawono, na ndodo rose.

DANIELI 1:21

Danieli ukasigharika aho ngomenyi kwa mzuri, hata mwaka ghwa imbiri ghwa mzuri Koreshi.

DANIELI 1:7

Uja m'baa wa wanjama wa mzuri orewinekieghe marina: Danieli ukammbanga Belteshazari, na Hanania ukammbanga Shadraka, na Mishaeli ukammbanga Meshaki, na Azaria ukammbanga Abednego.

DANIELI 10:14

Nani nacha kukumanyisha iro maza richaawipata wandu wako matuku ghichagha; kwa kukaia mawono agho ni malagho gha ngelo nyingi richagha.”

DANIELI 11:2

Na idana nichakughoria malagho gha loli.” “Ola wazuri wamu wadadu wichawuka Pashia, na wa kana uchawuya mzuri wa mali kuchumba awo wose. Iji wapata ndighi kwa wundu ghwa iro mali rake, uchawinyavurisha wose wipate kulwa na wuzuri ghwa Wagriki.

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

DANIELI 12:9

Ukanitumbulia, “Ghenda chia yako Danieli, kwa kukaia malagho agha ni ngasu ikabilo mhuri hata kukatia kwa ngelo.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

DANIELI 4:8

Kutua Danieli, uo orewangwagha Belteshazari kunughana na irina ja mlungu ghwapo, ukacha. Ngawona andenyi kwake roho ya milungu ielie, nani ngamghoria ndodo yapo, ngighamba,

DANIELI 5:12

Uo mundu Danieli orewangiloghe Belteshazari ni mzuri, orewonekieghe kukaia na roho iboie na ndighi emanya na kutambua ndodo, na ndawi, na kusasawua malagho. Idana duma Danieli uredo, nao uchakutambushira agha malagho.”

DANIELI 5:17

Niko Danieli ukamtumbulia mzuri, “Manosi ghako kaia nagho, na mafungu ghako kuneke mundu mzima; elaima nichakushomia agho maandiko ee mzuri, sena nikuwonyere kutambua kwaro.

DANIELI 6:28

Kwa huwo Danieli ukakaia nicha matuku ghose Dario na Koreshi, Mpashia werekoghe wikibonya nguma.

DANIELI 8:16

Ngasikira lwaka lwa mdamu Modenyi ghwa Ulai lukiwanga, “Gabrieli, mtambushire uo mundu agho mawono.”

DANIELI 8:26

Agho mawono gha vizongona va nakenyi na va nakesho kuwonyero ni gha loli. Ela kuseghighore, angu ni gha ngelo nyingi richagha.”

LUKA 1:20

Nao ola, kuchakaia kituri kusededagha, hata ituku ijo maza iri richaakatia; angu kuserumirie malagho ghapo anduangi; nagho ghichakatishwa kwa kimu charo.”

WUFUNUO 19:9

Nao malaika ukanizera, “Andika huwu: Warasimilwa awo wiwangilo karamunyi ya harusi ya Mwana wa Ng'ondi.” Ukachuria kunizera, “Agha ni malagho gha loli gha Mlungu.”