DANIELI 1:8 - Biblia Ilagho Jiboie Kwa Wandu Wose

⁸ Ela Danieli ukaririkanya na kudumbua malagho ghake moni kukaia, ndechaakulusha na ivo vindo va mzuri vinorie, na divei iyo erenyughwagha ni mzuri; niko ukamlomba uja m'baa wa wanjama umleke na ivo vindo.

DANIELI 1:8 ပူးပေါင်းရင်းမြစ်များ

1 WAZURI 5:5

Kwa huwo, nawuyakaia na nia eagha Hekalu emtasira BWANA Mlungu wapo, sa iji koni BWANA oremlaghirieghe aba Daudi ukighamba, ‘Mwana wako, uo nichaamseresha kidombo aighu ya kifumbi chako cha nguma wulalo ghwako, nuo uchaaniaghia Hekalu enitasira.’

ZABURI 106:28

Niko wandu wa Mlungu wikangia kutasa mlungu ghuwangwagha Baali aja Peori, wikaja vizongona vifunyiro kwa milungu.

ZABURI 119:106

Nabonyere ighemi ngajimangisha, jewadia mawonyero ghako gha hachi.

ZABURI 119:115

Injikenyi kwapo inyo wabonyi kiwiwi, nipate kughiwadia malaghiro gha Mlungu wapo.

ZABURI 141:4

Kusakenisigha niboilo ni kubonya makosa, na kukuranganya na wawiwi andenyi ya mabonyo ghawo ghizamie; Jingi kusenisighe ningie andenyi ya karamu rawo.

MAKATANISHO 23:3

Kusekaie na bea mbaa ya manori ghake; yadimika waakudegha navo.

DANIELI 1:5

Mzuri ukafunya momu kukaia wineko vindo vinorie kula ituku, ivo veni verejighwagha ni mzuri, na divei icheni erenyughwagha ni mzuri. Wifundisho kwa miaka idadu, na nyuma ya ngelo iyo kukata, wiredo kwa mzuri kudumika.

DANIELI 5:4

Wikanywa divei, wikawoka kuikasa milungu ibonyero kwa dhahabu na feza, na shaba, na chuma, na midi na magho.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 15:20

Ela diwiandikie barua na kuwizera witane na wuchafu ghwa vindo vifunyiro kizongona kwa milimu, kulaka, kuja nyama ra nyamandu rinyorelo, na kuja bagha.

1 WAKORINTHO 7:37

Ela uo uko umange ngolonyi kwake, usewuesumbulwa ni ilagho jingi, ela oko na wundu ghwa kukumazira, na ngolo yake eekunda ukaie na mchumba wake wokoni; uchabonya nicha.

2 WAKORINTHO 9:7

Kula mundu ndebonye sa iji koni uririkanyire ngolonyi kwake; si kwa kuzughunuka, hata kwa kufungishwa ndighi anduangi, angu Mlungu wamkunda uhu ufunyagha kwa kuboilwa.

WUKUMBUSO 32:38

Moreijishireghe mavuda gha vizongona venyu, mkaifunyira divei ipate kunywa. Ndeiche idana imtesie; ndeikimbie ichemvuvua.