DANIELI 1:4 - Biblia Ilagho Jiboie Kwa Wandu Wose

⁴ Werekoghe wikaie wandu wa irika wiseko na itiko, wighokie sena wiko na kumanya kwa hikima yose. Wichulo ni kumanya, na hikima ekunda kukufundisha, widimagha kudumika andenyi ya ngome ya mzuri. Ashpenazi orekoghe uwifundishe hata wimanye kiteto cha Kibabuloni.

DANIELI 1:4 ပူးပေါင်းရင်းမြစ်များ

KUZOYA 41:46

Josefu orekoghe mundu wa miaka mirongo idadu iji orewadagha ugho wudumiki ghwa mzuri wa Misri. Ukafuma kwa mzuri na kujiselia isanga jose ja Misri.

2 SAMUELI 14:25

Andenyi ya Israeli yose ndekorekoghe na mndungi ughokie sa Absalomu. Odeghoka kufuma maghunyi kwake hata chongonyi; mundu usewadie itiko jingi.

MAKATANISHO 22:29

Kwawuyammbona mundu uichi kazi yake? Uchadumikia wazuri, ndechaadumikia wandu wa ndonyi anduangi.

MCHILI 7:19

Hikima yadam'bonya mundu uko nayo kukaia na ndighi kuchumba wabonyi nguma ikumi wiko andenyi ya muzi.

ISAYA 36:11

Niko Eliakimu, Shebna, na Joa wikamzera Rabshake, “Dakulomba kudedanye na isi wadumiki wako kwa kiteto cha Kiarami, kwa kukaia dachiichi; kusedede nesi kwa kiteto cha Kiebrania awandu wiko wurighenyi wichesikira.”

JEREMIA 5:15

“Ola nawuyareda aighu yenyu inyo wandu wa Israeli, mbari ya wandu ifumagha kula. Ni mbari imange, mbari ya kala, kiteto chawo msechimanyagha, hata msedimagha kuelelwa ni agho wighoragha.

DANIELI 2:10

Wababuloni wikamtumbulia mzuri, “Ndeuko mndungi ndoenyi udimagha kumkatishira mzuri haja yake; kwa kukaia ndeuko mzuri ungi m'baa ndoenyi uko na ndighi nyingi ukotere jingi ikoto sa ijo wei utumbulilo ni wasawi, waghanga, walaghui angu Wababuloni.

DANIELI 2:2

Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 3:8

Ngelo iyo Wababuloni wamu wikacha na kuwishitakia Wayahudi.

DANIELI 4:7

Niko wasawi na waghanga, na Wababuloni, na wamanyi wa nyerinyeri wikacha; ngawighoria ndodo yapo, ela ndeweredimieghe kunitambishira kutambua kwaro.

DANIELI 5:11

Oko mundu andenyi ya wuzuri ghwako uko na roho ya milungu ielie. Ngelo ra ndeyo, suku, na kumanya, na hikima iko sa ya milungu, erewonekieghe andenyi kwake; na ndeyo mzuri Nebukadnezari orem'bonyereghe ukakaia m'baa wa wasawi, na waghanga, na Wababuloni, na wamanyi wa nyerinyeri.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

DANIELI 9:1

Dario mwana wa Ahasuero, mvalwa wa Wamedi, orebonyeroghe kukaia mzuri wa Babuloni.

ZEKARIA 2:4

Ukamzera mmbao, “Kimbia kumzere uja mdawana uwadie kamba epima kukaia kuchakaia na wandu wengi na mfugho nyingi andenyi ya Jerusalemu risedimagha kuaghilwa wurigha.

MABONYO GHA WADUMI 7:20

Ngelo iyo niko Musa orevaloghe; mwana ughokie na ndighi. Ukalelwa meri idadu nyumbenyi kwawo;

MABONYO GHA WADUMI 7:22

Na Musa ukafundishwa akili rose ra Wamisri, ukakaia m'baa kwa madedo na mabonyo ghake wori.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WATANYI 8:18

Niko ukawizera Zeba na Zalimuna, “Waja wandu morewibwaghieghe Tabori weko hao?” Wikatumbulia, “Seji kuko nikokoni werekoghe; kula umu wawo odefwanana na wana wa mzuri.”