DANIELI 1:2 - Biblia Ilagho Jiboie Kwa Wandu Wose

² BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.

DANIELI 1:2 ပူးပေါင်းရင်းမြစ်များ

KUZOYA 10:10

Kuzoya kwa kubonya nguma kwake ni aho Babeli, Ereki, na Akadi andenyi ya isanga ja Shinari.

KUZOYA 11:2

Hata iji wandu werekoghe wikidamba kufuma chia ra mashariki, wikavika kirindi cha isanga jimu jiwangwagha Shinari, nawo wikakaia aho.

2 WAZURI 24:1

Ngelo Jehoiakimu orekoghe mzuri wa Juda, Nebukadnezari mzuri wa Babuloni ukajoka na kum'bonya Jehoiakimu ukaie aisi yake kwa miaka idadu; konyuma Jehoiakimu ukamlegha Nebukadnezari.

2 MALAGHO GHA NGELO 36:5

Jehoiakimu orekoghe mundu wa irika ja miaka mirongo iwi na misanu iji orezoyagha kubonya nguma; ukabonya nguma Jerusalemu miaka ikumi na ghumweri. Ukabonya mawiwi imbiri ya BWANA Mlungu wake.

2 MALAGHO GHA NGELO 36:7

Wokoni Nebukadnezari ukadwa vilambo vimu va Hekalu cha Babuloni, ukaviwika ngomenyi kwake.

EZRA 1:7

Mzuri Koreshi ukawiwunjira vija vikombe na bakuli ra Hekalu ya BWANA veredwaloghe ni Mzuri Nebukadnezari kufuma Jerusalemu na kuwikwa hekalunyi kwa milungu yake.

ISAYA 11:11

Ngelo iyo, BWANA uchaghorua mkonu ghwake indo ja kawi kuwunja masighariko gha wandu wake kufuma Ashuru na kufuma Misri, na kufuma Pathrosi, na kufuma Ethiopia na kufuma Elamu, na kufuma Shinari, na kufuma Hamathi, na masanga gha pwani baharinyi.

ISAYA 42:24

Nani ukumbie wana wa Jakobo mikonunyi kwa mnoni, na Israeli kwa viting'a? Welee, si BWANA uo werem'bonyerieghe kaung'a? Uo wisereghendieghe kwa chia rake, na uo wiserewadieghe sharia rake?

JEREMIA 25:1

Mwaka ghwa kana ghwa kubonya nguma kwake Jehoiakimu mwana wa Josia mzuri wa Juda, (nagho ni mwaka ghwa imbiri ghwa kubonya nguma kwake Nebukadnezari mzuri wa Babuloni), BWANA oreghorieghe nani aighu ya wandu wose wa Juda;

JEREMIA 27:16

Niko ngawighoria wakohani na wandu wose ngaghamba, “BWANA waghorie huwu, msesikire malagho gha walodi wenyu, awo wawuyamfunyira wulodi wikighamba, ‘Vilambo vose va Hekalu valighisa kuwunjwa kufuma Babuloni,’ kwa kukaia waawuyamfunyira wulodi ghwa tee.

JEREMIA 28:3

Nichawunja vilambo vose va Hekalu aha andenyi ya miaka iwi, ivo veredwaloghe ni Nebukadnezari mzuri wa Babuloni kufuma aha hata Babuloni.

JEREMIA 35:11

Ela iji Nebukadnezari mzuri wa Babuloni orechieghe kulwa na iji isanga, dereghambieghe, ‘Choonyi dijoke Jerusalemu kwa wundu ghoobua ijeshi ja Wababuloni na ijeshi ja Wasiria.’ Kwa huwo dadakaia Jerusalemu.”

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

JEREMIA 51:44

Nani nichamkaba Beli ghuja mlungu ghwa Babuloni na kumdaisa ivo vindo uvimilie; wandu wa iro mbari ndewichaamchea sena, wurigha ghwa Babuloni ghameria kughwa.

DANIELI 5:13

Nao Danieli ukaredwa imbiri ya mzuri. Mzuri ukamzera Danieli, “Welee, oho nuo Danieli, umu wa waja wandu werebarishiroghe ukaredwa kufuma isanga ja Juda ni aba?

DANIELI 5:18

Ee mzuri, Mlungu, Uo-Uko-Aighu-Nandighi, oremnekieghe ndeyo Nebukadnezari wuzuri, ndigi na wubaa, na nguma.

HABAKUKI 1:16

Kwa wundu ugho, wadafunyira nyavu yawo kizongona, na kuifukiria marumba, angu nyavu rawo niro riwitesiagha kupata maseko, na vindo vinorie.

ZEKARIA 5:11

Ukanizera, “Wiachighenja Babuloni, wichiaghie hekalu aho. Wikameria kuiagha wichachiwika kikapu andenyi chitasoghe.”

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

WATANYI 2:14

Kwa huwo BWANA ukajokwa ni machu loli-loli aighu ya Israeli, ukawingira mikonunyi kwa awo wandu wewidwa wunyika. Ukasigha wamaiza wawo wiwisime, na kufuma aho, ndeweredimieghe kuwisima wamaiza wawo anduangi.

WATANYI 3:8

Kwa huwo BWANA ukajokwa ni machu aighu ya Waisraeli, ukawifunya wikabo na kusimwa ni mzuri Kushani-rishathaimu wa Mesopotamia; ukawibonyera nguma kwa miaka wunyanya.

WATANYI 4:2

BWANA ukawisigha wisimo ni Jabini mzuri wa Kanaani, uo orekoghe ukibonya nguma muzi ghwa Hazori. M'baa wa majeshi ghake orewangwagha Sisera, uo orekoghe ukikaia Haroshethi ya wandu wa mbari zima.

1 SAMUELI 5:2

Wikaidwa na kuingira nyumbenyi kwa mlungu ghwawo ghuwangwagha Dagoni, wikaiwika mbai na mbai yake.