DANIELI 1:19 - Biblia Ilagho Jiboie Kwa Wandu Wose

¹⁹ Nao mzuri ukadedanya nawo wose, ela aghadi kwawo ndekorekoghe na mndungi orewonekieghe udimagha kufwananishwa na weke Danieli, Hanania, Mishaeli, na Azaria. Kwa huwo awo wikarumirilwa widumike imbiri ya mzuri.

DANIELI 1:19 ပူးပေါင်းရင်းမြစ်များ

KUZOYA 41:46

Josefu orekoghe mundu wa miaka mirongo idadu iji orewadagha ugho wudumiki ghwa mzuri wa Misri. Ukafuma kwa mzuri na kujiselia isanga jose ja Misri.

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

MAKATANISHO 22:29

Kwawuyammbona mundu uichi kazi yake? Uchadumikia wazuri, ndechaadumikia wandu wa ndonyi anduangi.

JEREMIA 15:19

BWANA waghora huwu, “Kukahea nichakuwunja kupate kunidumikia. Kukadeda malagho mecha wulalo ghwa agho ghisena fwaida, kuchawuya mundu ojigora ilagho japo; wandu wichakunugha oho, hata ndekuchaawinugha awo anduangi.

DANIELI 1:18

Kutua kwa iyo ngelo, mzuri ukafunya momu awo wandu wa irika wighenjo kwake. Uja m'baa wanjama kolowi ukawighenja kwa Nebukadnezari.

DANIELI 1:4

Werekoghe wikaie wandu wa irika wiseko na itiko, wighokie sena wiko na kumanya kwa hikima yose. Wichulo ni kumanya, na hikima ekunda kukufundisha, widimagha kudumika andenyi ya ngome ya mzuri. Ashpenazi orekoghe uwifundishe hata wimanye kiteto cha Kibabuloni.

DANIELI 1:5

Mzuri ukafunya momu kukaia wineko vindo vinorie kula ituku, ivo veni verejighwagha ni mzuri, na divei icheni erenyughwagha ni mzuri. Wifundisho kwa miaka idadu, na nyuma ya ngelo iyo kukata, wiredo kwa mzuri kudumika.

DANIELI 1:6

Wamu wa awo wandu, werekoghe Danieli, na Hanania, na Mishaeli na Azaria wa kichuku cha Juda.

DANIELI 1:7

Uja m'baa wa wanjama wa mzuri orewinekieghe marina: Danieli ukammbanga Belteshazari, na Hanania ukammbanga Shadraka, na Mishaeli ukammbanga Meshaki, na Azaria ukammbanga Abednego.

DANIELI 2:13

Kwa huwo itangazo jikaiswa kukaia wandu wa hikima wose wichabwaghwa; wikamlola Danieli na wambao wipate kuwibwagha.

DANIELI 3:29

Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”