DANIELI 1:1 - Biblia Ilagho Jiboie Kwa Wandu Wose

¹ Mwaka ghwa kadadu iji Jehoiakimu orekoghe mzuri wa Juda, Nebukadnezari mzuri wa Babuloni orechieghe ukaghurughaia muzi ghwa Jerusalemu.

DANIELI 1:1 ပူးပေါင်းရင်းမြစ်များ

2 WAZURI 23:36

Jehoiakimu orekoghe mundu wa irika ja miaka mirongo iwi na misanu ingelo orezoyagha kubonya nguma. Ukabonya nguma Jerusalemu kwa miaka ikumi na ghumweri. Irina ja mae orewangwagha Zebida mwai wa Pedaia wa isanga ja Ruma.

2 WAZURI 24:13

Mzuri wa Babuloni ukadwa mali rose ra Hekalu, na ra nyumba ya mzuri; ukavidema-dema vilambo va dhahabu verekoghe andenyi ya Hekalu ya BWANA, ivo verebonyeroghe ni Mzuri Solomoni wa Israeli, sa iji koni BWANA oreghorieghe kiimbiri.

ISAYA 39:7

Na wana wamu wako kuwivae kumoni, wichadwalwa wunyika, nawo wichawuya weke kolowi nyumbenyi kwa mzuri wa Babuloni.”

JEREMIA 25:1

Mwaka ghwa kana ghwa kubonya nguma kwake Jehoiakimu mwana wa Josia mzuri wa Juda, (nagho ni mwaka ghwa imbiri ghwa kubonya nguma kwake Nebukadnezari mzuri wa Babuloni), BWANA oreghorieghe nani aighu ya wandu wose wa Juda;

JEREMIA 35:1

Matuku gha Jehoiakimu mwana wa Josia, mzuri wa Juda, BWANA oreghorieghe nani ukighamba,

JEREMIA 35:11

Ela iji Nebukadnezari mzuri wa Babuloni orechieghe kulwa na iji isanga, dereghambieghe, ‘Choonyi dijoke Jerusalemu kwa wundu ghoobua ijeshi ja Wababuloni na ijeshi ja Wasiria.’ Kwa huwo dadakaia Jerusalemu.”

JEREMIA 36:1

Mwaka ghwa kana ghwa kubonya nguma kwake Jehoiakimu mwana wa Josia mzuri wa Juda, BWANA oreghorieghe nani ukighamba,

JEREMIA 45:1

Mwaka ghwa kana ghwa kubonya nguma kwa Jehoiakimu mwana wa Josia mzuri wa Juda, Baruku oreandikieghe malagho neremghorieghe,

JEREMIA 50:1

Iji nijo ilagho ja BWANA orenighorieghe aighu ya Babuloni, na wandu waro.

JEREMIA 52:12

Ituku ja ikumi, ja mori ghwa kasanu, nagho ni mwaka ghwa ikumi na ikenda ghwa kubonya nguma kwake Nebukadnezari mzuri wa Babuloni, uja Nebuzaradani m'baa wa majeshi gha Babuloni, uo orekoghe ukimdumikia mzuri, orengirieghe Jerusalemu.

JEREMIA 52:28

Ughu nigho mtalo ghwa wandu weredwaloghe wunyika ni Nebukadnezari: Mwaka ghwa mfungade, Wayahudi elfu idadu na mirongo iwi na idadu;

DANIELI 5:13

Nao Danieli ukaredwa imbiri ya mzuri. Mzuri ukamzera Danieli, “Welee, oho nuo Danieli, umu wa waja wandu werebarishiroghe ukaredwa kufuma isanga ja Juda ni aba?