AYUBU 9:8 - Biblia Ilagho Jiboie Kwa Wandu Wose

⁸ Nuo moni uekeri orealieghe mlungunyi, na kuwadia mivo-mivo ya bahari.

AYUBU 9:8 ပူးပေါင်းရင်းမြစ်များ

KUZOYA 1:1

Aho kuzoenyi, Mlungu oreumbieghe mlungunyi na ndoenyi.

1 MALAGHO GHA NGELO 16:26

Angu milungu yose ya wandu, ni milimu, ela BWANA oreumbieghe mlungunyi.

AYUBU 26:13

Orefurieghe miruke yake mawingunyi kukakombwa; mkonu ghwake ghukaidunga choka erekoghe ikikimbia.

AYUBU 26:7

Mlungu wakuchua mawingunyi cha kaskazinyi aighu ya andu kuduu, na kuwanika ndoenyi kuseko na andu kowanikia.

AYUBU 37:18

Kwadima kumtesia Mlungu kuala mawingunyi, kukaie sa kilole chichanilo cha shaba?

AYUBU 38:11

Nereizerieghe, ‘Kootuya aeni aha, kusechumbe; mivo-mivo yako iwadie ndighi, suti ituye aho.’

AYUBU 38:16

“Jingi kwavikie andu ndoria ra bahari rivumbulukiagha? Jingi kwaselie kondenyi baharinyi?

ZABURI 33:6

BWANA orebonyereghe mlungunyi kwa ilagho jake, na vose viko andenyi yaro orevibonyereghe kwa kughora koni.

ZABURI 77:19

Koreghendieghe aighu ya bahari; kukaidia aghadi ya machi mengi; ela sena chwau rako ndererewonekieghe anduangi.

ISAYA 40:22

kukaia, wurumwengu ghodeumbwa ni uo ukaiagha mawingunyi naighu, na kwake, wandu wikaiagha wurumwengunyi ni karakara na weke mwapazi? Wadakuchua mlungunyi sa pazia, na sa hema ekailwa ni wandu.

ISAYA 42:5

Mlungu, uo BWANA oreumbieghe na kuwika mlungunyi na ndoenyi, na vose viko andenyi yaro; uo Mlungu uwinekagha wandu miruke na irangi jedua moyo waghamba huwu:

ISAYA 44:24

BWANA, uo Mkomboli wako, uo orekuumbieghe kufuma kifunyi waghamba huwu: “Ini ne BWANA, uo oreumbieghe vilambo vose, uo oreumbieghe na kuwika mlungunyi na ndoenyi. Nani derekwanyeghe ngibonya agho malagho?

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

JEREMIA 10:12

Ela BWANA oreumbieghe ndoenyi kwa ndighi rake, uo umangishire wurumwengu kwa hikima yake, na kwa kumanya kwake, ukaala mlungunyi.

JEREMIA 51:15

BWANA nuo ubonyere ndoenyi kwa kudima kwake, nuo umangishire wurumwengu kwa hikima yake, na kwa kumanya kwake; ukawika mlungunyi.

ZEKARIA 12:1

Agha ni malagho gha BWANA aighu ya Israeli: BWANA, uo ualie mlungunyi, ukaumba ndoenyi, na kumneka mdamu irangi waghamba huwu:

JOHANE 6:19

Hata iji waruda makasia sa mwendo ghwa kilometa isanu angu irandadu, wikammbona Jesu ukighenda na maghu aighu ya machi, na kuvika kaavui na jija ishua; nawo wikaobua na ndighi.