AYUBU 9:7 - Biblia Ilagho Jiboie Kwa Wandu Wose

⁷ Wadalaghira iruwa jisebuke, na kughiria nyerinyeri risefunye miengere.

AYUBU 9:7 ပူးပေါင်းရင်းမြစ်များ

AYUBU 37:7

Wadaghiria kula mundu usebonye kazi yake, eri wandu wose wipate kurimanya kazi rake.

ISAYA 13:10

Nyerinyeri rose ra mlungunyi nderichaafunya miengere, na iruwa jichasera kira jikibuka, hata mori ndeghuchaafunya miengere yaro anduangi.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

AMOSI 8:9

Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime.

MATHAYO 24:29

“Nyuma ya wasi ghwa matuku ghaja, iruwa jichawuya kira, na mori ndeghuchaafunya miengere yaro anduangi; nyerinyeri richakaia rikipotoka kufuma mlungunyi, nandighi ra mlungunyi richasukwa-sukwa.

JOSHUA 10:12

Ituku ijo BWANA orewinekieghe Waisraeli wusimi aighu ya Waamori. Joshua oreghorieghe na BWANA ukaghamba imbiri ya Waisraeli wose, “Iruwa, kumange aighu ya Gibeoni, Mori, kumange aighu ya vololo ya Aijaloni.”

JOSHUA 10:13

Iruwa jikamanga na mori ghukamanga hata Waisraeli wikawisima wamaiza wawo. Malagho agho ghaandikilo andenyi ya chuo cha Jashari. Iruwa jikamanga ghadi na ghadi aighu mawingunyi, najo ndejereneng'enereghe sa kwa ituku ilazi.