AYUBU 8:20 - Biblia Ilagho Jiboie Kwa Wandu Wose

²⁰ “Mlungu ndemleghagha mundu usewadie ikosa, hata ndemtesiagha mundu mmbiwi.

AYUBU 8:20 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

AYUBU 21:30

Kukaia, mundu mmbiwi nuo ukirwagha ngelo ya ndengwa, na kukaia ingelo Mlungu wakakaba wandu kwa machu ghake, nuo usighwaghwa?

AYUBU 4:7

“Ririkanya idana kuwone; nani jingi utotere usewadie ikosa? Angu ni hao kuwonie mloli utoteshero?

AYUBU 9:22

Ghose ni kara kara; niko naghamba wadatotesha wose wecha na wawiwi.

ZABURI 34:17

Wahachi wikakema wikilola wutesia, BWANA wadasikira; nao wadawitesia kufuma kwa wasi ghwawo.

ZABURI 37:24

Ukeduakuwa, ndechaaghwa; kwa kukaia BWANA uchammazira kwa mkonu ghwake.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

ZABURI 94:14

BWANA ndechaawisigha wandu wake, hata ndechaada ifwa jake anduangi.

MAKATANISHO 10:9

Mundu ughendagha nicha, uchakaia banana, ela mundu useko mloli, uchamanywa.

ISAYA 45:1

BWANA wamerie kumsaghua Koreshi ukaie mzuri; nao wamerie kummbika upate kurisima mbari ra wandu. Wamduma na kuwisoka wazuri nguma rawo, na kurughua minyango iyo erekoghe irughilo imbiri kwake; ukimzera: