AYUBU 5:13 - Biblia Ilagho Jiboie Kwa Wandu Wose

¹³ Wawiwada wandu wa hikima kwa mikalo yawo cheni, na kuimeria shwa mipango ya wandu wikalie.

AYUBU 5:13 ပူးပေါင်းရင်းမြစ်များ

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 15:34

Ela kukawuya mzinyi, nao kumzere Absalomu, ‘Ini nichawuya mdumiki wako ee mzuri sa iji koni nerekoghe mdumiki wa ndeyo ngelo riidie, huwo koni idana nichakaia mdumiki wako;’ kukabonya huwo, kuchanisimia njama ra Ahithofeli.

2 SAMUELI 17:23

Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

ESTA 9:25

Ela Esta ukamghendia mzuri, na mzuri ukafunya momu kwa maandiko angu ija njama ya mikalo oreibonyereghe Hamani imghalukie moni; kukaia, uo na wana wake wibwagho kwa kuwanikwa aighu ya ghuja mudi ghobwaghia wandu.

AYUBU 15:5

Kaung'a rako niro rawuyakushekeria kudeda huwo, na oho kwasaghua kudeda kwa mikalo.

AYUBU 37:24

Kwa huwo wandu wadamuobua kwa ishima, nao ndewitalagha wandu wikughesheragha weni kukaia na hikima.”

ZABURI 18:26

Kwa uo uelie, kwadakuwonyera kumoni kukaia mweli, na kwa uo mmbiwi, kwadakuwonyera kumoni kukaia m'maiza.

ZABURI 9:17

Wawiwi; awo wandu wose wimliwagha Mlungu, wichaghenda Andu kwa Wafu.

MAKATANISHO 3:32

BWANA wadazamilwa ni mundu uleghie chia rake, ela wadawirumiria wandu wecha.

ISAYA 19:3

Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

ISAYA 44:25

Ni ini nifunukuagha tee ra walaghui, na kuwimenya awo walodi wa tee; ni ini niwighaluagha awo wiwadie hikima, na kubonya kumanya kwawo kuwue duu.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 49:7

BWANA wa majeshi waghamba huwu aighu ya Edomu, “Welee, ndeiko hikima andenyi ya wandu wa Temani? Welee, njama ya wandu wa suku eesia? Hikima yawo eesia?

JEREMIA 8:8

Mdima wada kughora wei moko na hikima, na sharia yapo andenyi konyu? Ola wonenyi seji walimu wa sharia wiandikie malagho ghisena wuloli, na kuibonya sharia ya tee.

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

JEREMIA 9:22

BWANA wanizera nighore welee, ‘Gharia ra wandu richakaia andonyi karakara na wuchafu ghudelo ambuwenyi, karakara na viro videmelo ngelo ekuwida; hata ndekuchaakaia na mndungi oshoa anduangi.’”

MITALO 22:25

Nao iji punda wammbona malaika wa BWANA, ukawoka kuidiria awurighenyi, ukamvonua Balaamu kughu a wurighenyi; na Balaamu ukamkaba sena.

LUKA 1:51

Waghughorua mkonu ghwake ghwa ndighi, wawisaghisa wang'eti kwa maririkanyo gha ngolo rawo.

1 WAKORINTHO 3:19

Angu hikima ya wurumwengu ughu ni wukelu kwa Mlungu. Sa iji iandikilo, “Wawiwada awo wiko na hikima andenyi ya mikalo yawo.”