AYUBU 42:8 - Biblia Ilagho Jiboie Kwa Wandu Wose

⁸ Idana mmbwade njau mfungade na bauru mfungade, mghende kwa mdumiki wapo Ayubu mfunye kizongona chekora kwa wundu ghonyu. Mdumiki wapo Ayubu uchamlombia, nani nichasikira malombi ghake nisechem'bonyera kunughana na wukelu ghonyu; kwa kukaia ndemdedie malagho gha loli aighu yapo sa mdumiki wapo Ayubu.”

AYUBU 42:8 ပူးပေါင်းရင်းမြစ်များ

KUZOYA 20:17

Niko aho Abrahamu ukawilombia kwa Mlungu, na Mlungu ukawiboisa Abimeleki na mkake, na wazumba wake wa waka wipate kuva wana;

KUZOYA 20:7

Idana kummbunje kwa mumi wake, angu uo moni ni mlodi, nao uchakulombia oho kusechefwa, niko kuchakaia moyo. Ela kukalegha kummbunja, manya loli kuchafwa na wandu wako wose.”

1 MALAGHO GHA NGELO 15:26

Na kwa kukaia Mlungu orewiteserieghe Walawi awo weredukagha Sanduku ya Ilaghano ja BWANA, werefunyireghe kizongona cha njau mfungade na bauru mfungade.

2 MALAGHO GHA NGELO 29:21

Wikadwa njau mfungade, bauru mfungade, wana wa ng'ondi mfungade, na fwandi mfungade; rikaie kizongona kwa wundu ghwa kaung'a, na kwa wundu ghwa wuzuri, na kwa wundu ghwa Andu kwa Wueli, na kwa wundu ghwa wandu wa Juda. Ukawilaghira wakohani, awo wana wa Haruni wirifunye aighu ya madhabahu ya BWANA.

AYUBU 1:5

Matuku gha karamu rawo ghikakatia, Ayubu orekoghe ukiwiwanga na kuwielesha. Orekoghe ukiwuka kokio, na kufunya vizongona vekora kwa wundu ghwa kula mwana wake; oreririkanyireghe kewada wana wake wabonyere kaung'a kwa kumdukana Mlungu wisemanyire. Huwo niko Ayubu orekoghe ukibonya tulituli.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

AYUBU 22:30

Wadakira mundu usewadie ikosa, uchakukira ikakaia kwawuyabonya nicha.”

AYUBU 35:8

Mdamu mmbenyu nuo upatagha wasi iji kwabonya kaung'a, na hachi yako iamtesia uo.

AYUBU 42:9

Niko Elifazi Mtemani, na Bildadi Mshuhi, na Sofari Mnaamathi, wikaghenda na kubonya sa iji koni BWANA orewizerieghe, na BWANA ukaghirumiria malombi gha Ayubu.

ZABURI 103:10

Ndedikabagha kunughana na kaung'a redu, hata ndedilipiagha kunughana na mawiwi ghedu.

KUFUMA 18:12

Niko Jethro, mghosi wake Musa ukafunya kizongona chekora na vizongona vizima kwa Mlungu; na Haruni ukacha chiaimweri na waghosi wa Israeli wikajanya vindo na mghosi wa Musa kwa kumtasa Mlungu.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

JEREMIA 14:11

BWANA ukanizera, “Kusakewilombia awa wandu wei wiwone mecha.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

EZEKIELI 14:14

Hata ngera awa wandu wadadu wadakaia aeni, Nuhu, Danieli, na Ayubu, wadadima tu kukira marangi ghawo kwa hachi yawo. Ini Bwana MLUNGU naghamba.

EZEKIELI 45:23

Na kwa matuku mfungade gha ndima, uchafunya wana wa njau mfungade wiseko na itiko jingi wikaie kizongona chekora kwa BWANA, chiaimweri na bauru mfungade riseko na itiko jingi na fwandi imweri imweri kula ituku rikaie kizongona kwa wundu ghwa kaung'a.

MITALO 23:1

Balaamu ukamzera Balaki, “Niaghie madhabahu mfungade aha, nao kuniredie njau mfungade na bauru mfungade.”

MITALO 23:14

Ukamdwa hata mbuwa ya Sofimu, koighu mghondinyi ghwa Pisga; ukaagha madhabahu mfungade; ukafunya kizongona cha njau imweri na bauru imweri aighu ya kula madhabahu.

MITALO 23:29

Balaamu ukamzera Balaki, “Niaghie madhabahu mfungade aha, nao kuniredie njau mfungade na bauru mfungade.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

2 TIMOTHEO 4:14

Alekizanda uja mchani wa shaba orenibonyereghe kiwiwi na ndighi; Bwana uchamlipa kwa mabonyo ghake.

WAEBRANIA 10:4

Angu bagha ya njau na mburi, ndeidimagha kuinja kaung'a anduangi.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

JAKOBO 5:14

Mndungi oko mkongo aghadi konyu? Ndewiwange waghosi wa ikanisa, wipate kumlombia kwa Mlungu na kumshinga mavuda kwa irina ja Bwana.

JAKOBO 5:16

Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

1 JOHANE 5:16

Mndungi ukammbona mruna ukibonya kaung'a iseko ya kifwa, uchalomba, na Mlungu uchamneka irangi uo ubonyere kaung'a iseko ya kifwa. Eko kaung'a ya kifwa; nani sighambagha wei mundu ulombe kwa iyo.

1 JOHANE 5:6

Jesu Kristo nuo orechieghe kwa machi na bagha; hata si kwa machi gheni ghiekeri anduangi, ela kwa machi na bagha.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

1 SAMUELI 25:35

Nao Daudi ukawada ivo vindo vose oredwaeghe, ukamzera, “Ghenda nyumbenyi kwako kwa sere; nameria kusikira agho kwaghora, nani nichakukatishira malombi ghako.”