AYUBU 42:6 - Biblia Ilagho Jiboie Kwa Wandu Wose

⁶ Nakumenya ini moni, na kuhea ngisea kidombo aterinyi na ivunyi.”

AYUBU 42:6 ပူးပေါင်းရင်းမြစ်များ

KUZOYA 18:27

Abrahamu ukaghamba, “Nifuye wughoma nidedanye na oho BWANA ini nisefwane kindo chingi, ela ne teri na maivu gheni.

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

EZRA 9:6

ngighamba: “Ee Mlungu wapo, nafwa waya nandighi, hata sifwane kuwusira wushu ghwapo cha kwako. Kaung'a redu rajoka ighu kuchumba vongo vedu, na mawiwi ghedu ghajoka hata mlungunyi.

AYUBU 2:8

Ayubu ukawada luwigha lokusuwa, ukasea kidombo a ivunyi.

AYUBU 30:19

Mlungu wanikumba mazozonyi; nawuya sa teri na maivu.

AYUBU 42:5

Ini nedesikira malagho ghako ghikighorwa, ela idana nakuwona na meso ghapo.

AYUBU 42:7

Nao iji BWANA wameria kughora na Ayubu, ukamzera Elifazi Mtemani, “Najokwa ni machu aighu yako na waghenyi wako wawi; kwa kukaia ndemdedie malagho gha loli aighu yapo sa mdumiki wapo Ayubu.

AYUBU 9:31

ela sena uchanipotua andenyi ya kina cha wuchafu, na nguwo rapo rikumbo noko.

ZABURI 51:17

Vizongona virumirilwagha ni Mlungu, ni roho ikuserie; ndekuchaaimenya ngolo ikuserie, iheagha ee Mlungu.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

ISAYA 58:5

Munizera uku ni kufunga tumu nerekusaghueghe ini, wei mundu ukusere kwa wasi na kughoghomesha chongo chake sa lunyasi, na kurwa nguwo ra magunia chiaimweri na kulala ivunyi? Mwadima kughamba uku ni kufunga tumu na ituku nijirumiriagha ini BWANA?

JEREMIA 31:19

Diendaghaluka na mbai, dawurie dikahea; na diendafundishwa, dikakukaba diweni barenyi; derefueghe waya dikafwa ngolo, kwa kukaia deredukieghe waya ghwa wanake ghodu.’

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

EZEKIELI 20:43

Na aho mchakumbuka iro chia renyu mbiwi na mabonyo ghenyu morekunonieghe nagho; nenyo mchakuzamia mmbeni kwa wundu ghwa ugho wuwiwi ghose moreghubonyereghe.

EZEKIELI 36:31

Mchakumbuka chia renyu rizamie na agho mabonyo ghenyu ghizamie, nenyo mchakuzamia mmbeni kwa agho mabonyo ghenyu ghizamie gha wuchafu moreghibonyereghe.

EZEKIELI 6:9

Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

WALAWI 13:12

Ikakaia iyo sima eechurikia na kuera mumbi ghose kufuma chongo hata maghunyi,

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

LUKA 10:13

“Ni bugha kwako Korazini! Ni bugha kwako Bethsaida! Angu weke mwakilimbiti wibonyekie kwako, ngera wedebonyerwa Tiro na Sidoni, kumangu wamerie kuhea koicho, wikirwa nguwo ra magunia na kusea kidombo ivunyi.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.