AYUBU 42:11 - Biblia Ilagho Jiboie Kwa Wandu Wose

¹¹ Waruna wose wa womi na wa waka, na wandu wose weremmanyireghe imbiri, wikacha na kubonya karamu nyumbenyi kwake. Wikawadwa ni wughoma ghwake; wikamhoresha ngolo kwa wundu ghwa wasi ghose BWANA orekoghe wamredia, na kula umu ukamneka pesa na pete ya dhahabu.

AYUBU 42:11 ပူးပေါင်းရင်းမြစ်များ

KUZOYA 24:22

Nao iji ngamila rameria kunywa machi, uja mdumiki ukafunya pete ya dhahabu iko na wulemeri ghwa nusu shekeli, ukamngira mbuonyi kwake, na bangili iwi riko na wulemeri ghwa shekeli ikumi ra dhahabu, ukamngira vikotonyi kwake.

KUZOYA 24:53

Nao ukafunya manosi gha vilambo va zoghori mbaa va feza na dhahabu na nguwo, ukamneka Rebeka. Wokoni ukafunya vilambo va zoghori mbaa ukamneka mruna na mae.

KUZOYA 37:35

Na wana wake wa womi na wa waka wikacha kumhoresha, ela ukalegha kuhoreshwa ukighamba, “Nichamseria mwanwapo warumunyi ngimlilia.” Niko ndee oremlilieghe huwo.

AYUBU 16:5

Nadadeda malagho ghemfungisha ndighi, na kumhoresha kwa madedo ghapo.

AYUBU 2:11

Waghenyi wadadu wa Ayubu, Elifazi Mtemani, Bildadi Mshuhi, na Sofari Mnaama, weresikireghe seji Ayubu upatiro ni agho mawiwi. Wikabonya njama eghenda kumzighana chiaimweri, kummbonia wughoma na kumhoresha ngolo.

AYUBU 4:4

Malagho ghako ghamteserie uo orekuwieghe, kukawimangisha awo werekoghe wanyonge.

MAKATANISHO 14:20

Mkiwa ndekundwagha hata ni mumzawo moni, ela mzuri wa mali oko na waghenyi wengi.

MAKATANISHO 16:7

Mundu ukakaia na mighendo im'boiagha BWANA, uchabonya hata wamaiza wake wikaie na sere nao.

JOHANE 11:19

na Wayahudi wengi werekoghe wacha kwa weke Marita na Maria, kuwihoresha ngolo kwa wundu ghwa kifwa cha mruna.

WAROMA 12:15

Boilonyi andwamweri na awo wiboilwagha, lilenyi andwamweri na awo wililagha.

1 WAKORINTHO 12:26

Ngera kia chimu chawawa, via vose viwawo chia imweri; ngera kia chimu chakumwa, via vose viboilo chia imweri.

WAEBRANIA 12:12

Kwa huwo iwusirenyi mikonu yenyu iko minyonge na kuvifungisha ndighi vitemberu venyu vitewelekagha.

WAEBRANIA 13:3

Wikumbukenyi awo wiko kifungonyi, seji moofungwa andwamweri nawo, na awo wikorongwagha, seji mwaawuyakorongwa andwamweri nawo; kwa kukaia inyo wori moko na mumbi.

JOSHUA 24:32

Josefu uo orefueghe Misri, wandu wa Israeli weremdwaeghe na kumrika aho Shekemu; andenyi ya mbuwa iyo Jakobo oreighueghe kufuma kwa wana wa Hamori ndee wawo Shekemu kwa bei ya vibelele va feza ighana, nayo ikawuya ifwa ja kivalwa cha Josefu.

1 SAMUELI 10:27

Ela wandu wamu wa kisha-kisha wikaghamba, “Umundu udima wada kudikira?” Wikammenya hata ndeweremnekieghe zawadi ringi. Ela Sauli uo ukakaia na sere.