AYUBU 40:4 - Biblia Ilagho Jiboie Kwa Wandu Wose

⁴ “Ini sifwanagha; nikutumbulia wada? Niawadia momu ghwapo ninyame kima.

AYUBU 40:4 ပူးပေါင်းရင်းမြစ်များ

KUZOYA 18:27

Abrahamu ukaghamba, “Nifuye wughoma nidedanye na oho BWANA ini nisefwane kindo chingi, ela ne teri na maivu gheni.

KUZOYA 32:10

Ini sifwane kindo chingi kukatanishwa na ulo lukundo lwako, na wuloli ghwako kughuwonyere kwapo ini mdumiki wako; kwa kukaia nereruwukieghe Jordani na mzata ghwapo ghoni, ela idana nakaia mafungu awi.

2 SAMUELI 24:10

Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

1 WAZURI 19:4

Ela uo ukaghenda charo cha ituku ilazi kireti. Ukasea kidombo aisi ya kiju cha mretemu, ukalomba kifwa kwa BWANA ukighamba, “Idana BWANA kazi yapo yakata; nalomba kujiinje irangi japo, kwa kukaia siboie kuwichumba weke aba anduangi.”

EZRA 9:15

Ee BWANA Mlungu wa Israeli, oho koko mloli, ela kwadisighie dikaie moyo. Dahea mawiwi ghedu kwako; ndedifwane isi kusoghoda imbiri kwako.”

EZRA 9:6

ngighamba: “Ee Mlungu wapo, nafwa waya nandighi, hata sifwane kuwusira wushu ghwapo cha kwako. Kaung'a redu rajoka ighu kuchumba vongo vedu, na mawiwi ghedu ghajoka hata mlungunyi.

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

AYUBU 16:21

Nakunde mndumu unidederie hachi yapo kwa Mlungu, seji ikaiagha aghadi ya mdamu na mmbao.

AYUBU 21:5

Nizighanenyi mshinike, mmbwadie memu yenyu.

AYUBU 29:9

Wabaa werelekieghe kudeda, wikawadia memu yawo.

AYUBU 31:37

Nadamghoria Mlungu maza rapo rose nibonyere, na kusoghoda imbiri kwake kwa wuing'oni sa m'baa.

AYUBU 37:19

Difundishe seji didimagha kumzera Mlungu, isi deeka kira ndedina jeghora.

AYUBU 40:3

Niko Ayubu ukamtumbulia BWANA:

AYUBU 42:6

Nakumenya ini moni, na kuhea ngisea kidombo aterinyi na ivunyi.”

ZABURI 39:9

Nichanyama kima nisedede, angu ni oho kubonyere agho.

MAKATANISHO 30:32

Ikakaia kodeeka mkelu okujosa kumoni, na kubonya mpango ghwa wuwiwi, dunga maghu kugheshe nicha.

ISAYA 53:6

Isi diwose dalagharie kara kara na ng'ondi, kula umu odu ukaighalukia chia yake moni; na BWANA ukamdukishira mawiwi ghedu ghose.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

KILILO CHA JEREMIA 3:29

Ndedikusere dikufunye kwake, angu aho jeko isuwirio sena.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

DANIELI 9:5

Isi dabonyere kaung'a na makosa; dabonyere kisha sena dikakulegha, dikaisigha memu yako na malaghiro ghako.

DANIELI 9:7

Oho ko mhachi ee BWANA, ela isi wandu wa Juda na wa Jerusalemu daawuyafwa waya chiaimweri na wandu wa Israeli wose, awo wiko kaavui na awo wiko kula andenyi ya masanga ghose korediwingieghe kwa wundu ghwa mawiwi derekubonyereghe.

WALAWI 13:12

Ikakaia iyo sima eechurikia na kuera mumbi ghose kufuma chongo hata maghunyi,

MIKA 7:16

Mbari ra wandu hata ngera werekoghe na ndighi rawo rose wichaobua. Wichawadia memu yawo na kufindika madu ghawo kwa wowa.

HABAKUKI 2:20

Ela BWANA oko andenyi ya Hekalu yake ya wueli; wandu wose wa wurumwengunyi ndewikaie kima imbiri kwake.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

LUKA 18:13

Ela uja mmbwadi wushuru ukakaia kula koni, nao nderekundieghe hata kuwusira meso ghake cha mlungunyi, ela ukakukaba-kaba moni laghenyi kwake ukighamba, ‘Ee Mlungu, kunifue wughoma ini mundu wa kaung'a.’”

LUKA 5:8

Ela iji Simoni Petro orewonieghe agho, ukamdungia Jesu ngokoro ukighamba, “Kaia kula nani, angu ne mundu wa kaung'a ee Bwana.”

1 TIMOTHEO 1:15

Ilagho iji ni ja loli, najo jafwana kurumirilwa putu, kukaia Jesu orechieghe wurumwengunyi kukira wakaung'a; na wa imbiri wa awo wakaung'a ni ini moni;

WATANYI 18:19

Wikamzera, “Nyama kima! Wadia momu ghwako kudinughe; kukaie mnjama na mkohani odu. Wele ndeifwaneghe oho kukaie mkohani wa mbari yose ya Waisraeli kuchumba kukaia mkohani wa mundu umweri?”