AYUBU 4:17 - Biblia Ilagho Jiboie Kwa Wandu Wose

¹⁷ ‘Mdamu uidagha, wadima kukaia mhachi imbiri ya Mlungu? Mdamu wadima kukaia uelie imbiri ya Muumbi wake?

AYUBU 4:17 ပူးပေါင်းရင်းမြစ်များ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

AYUBU 14:4

Nani udimagha kufunya kilambo chielie kufuma kwa icho chiseelie? Ndeuko ungi.

AYUBU 15:14

Mdamu wadima kukaia uelie? Mundu uvalo ni muka ukaia wada mhachi?

AYUBU 25:4

Mdamu udima wada kukaia mhachi imbiri ya Mlungu? Mdamu uvalo ni muka udima wada kukaia uelie?

AYUBU 31:15

Welee, uo Mlungu uniumbie, suo moni uwiumbie wadumiki wapo? Suo moni orediumbieghe diwose?

AYUBU 32:22

Ini siichi kudeda kwa kudawiria wandu; ngabonya huwo, Muumbi wapo uchaniinja shwa wori.

AYUBU 35:10

Ela mndungi ndemlolagha Mlungu Muumbi wake, uo unekagha wandu isuwirio ngelo wakambwa ni chongo.

AYUBU 35:2

“Ayubu, si nicha kughora wei koko mhachi imbiri ya Mlungu;

AYUBU 36:3

Naichi malagho malazi, nani nichawonyera seji Muumbi wapo uko na hachi.

AYUBU 4:16

Kilambo chimu chikakaia kimusi kima, ela seredimieghe kumanya fwana yaro. Fwana imu ikakaia imbiri kwapo, kukakaia kima, niko ngasikira lwaka:

AYUBU 40:8

Kwadima kunitala ini kukaia mkosi? Kwadima kunitanya ini kukaia mkosi eri oho kukaie mhachi?

AYUBU 8:3

Welee, Mlungu wadalaghasha loli? Angu Uo-Uwadie-Ndighi-Rose wadalaghasha hachi?

AYUBU 9:2

“Loli naichi huwo niko iko: ela mdamu wadima wada kukaia mhachi imbiri ya Mlungu?

ZABURI 143:2

Kusakenighenja kutanyonyi ini mdumiki wako; ndekuwadie mndungi uko mhachi imbiri kwako.

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

MCHILI 7:20

Ndekuwadie mhachi ungi ndoenyi ubonyagha hachi iekeri jingi usebonyagha kaung'a.

JEREMIA 12:1

Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

JEREMIA 17:9

“Ngolo yakalie ikachumba vilambo vose, eezama ikaachumba; nani udimagha kuitambua?

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”