AYUBU 38:4 - Biblia Ilagho Jiboie Kwa Wandu Wose

⁴ “Welee, iji nereumbagha wurumwengu korekoghe? Nighorie ikakaia kudimagha.

AYUBU 38:4 ပူးပေါင်းရင်းမြစ်များ

KUZOYA 1:1

Aho kuzoenyi, Mlungu oreumbieghe mlungunyi na ndoenyi.

KUZOYA 2:4

Huwu niko mlungunyi na ndoenyi koreumbiloghe. Iji BWANA Mlungu orebonyereghe mlungunyi na ndoenyi,

AYUBU 15:7

“Kuaghesha ni oho wa imbiri kuvalwa? Angu, korekoghe imbiri mighondi isebonyero?

AYUBU 28:25

Iji Mlungu orenekieghe mbeo kudima kwaro, na kuiwikia bahari kipimo chawo,

AYUBU 34:13

Nani oremmbikieghe Mlungu ukaie m'baa ndoenyi? Nani umnekie kuzighana wurumwengunyi ghose?

ZABURI 102:25

Oho korewikieghe misingi ya wurumwengu kon kala, na mlungunyi ni kazi ya mikonu yako.

ZABURI 102:26

Iro richatota, ela oho kuchadua; rose richaghosia sa nguwo. Oho kwadarighalusa sa nguwo, naro rasia.

ZABURI 104:5

Kwaiwikie ndoenyi aighu ya misingi yaro, kukaimangisha gi isedimagha kunyavurika.

MAKATANISHO 3:19

BWANA oreumbieghe ndoenyi kwa hikima yake; ukamangisha mawingunyi kwa kumanya kwake.

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

MAKATANISHO 8:22

“BWANA oreniumbieghe ukizoya kazi rake ra imbiri, imbiri ya kazi rake ra kala.

ISAYA 40:14

Mlungu walombie njama kwani ingelo orebonyagha maza rake, angu nani umfundishire chia ra hachi? Nani umfundishire kumanya, na chia retambua maza?

JEREMIA 10:12

Ela BWANA oreumbieghe ndoenyi kwa ndighi rake, uo umangishire wurumwengu kwa hikima yake, na kwa kumanya kwake, ukaala mlungunyi.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

WAEBRANIA 1:10

Na sena, “Oho Bwana, aho kuzoenyi, koreumbieghe ndoenyi na kwa mikonu yako kumoni, korebonyereghe mlungunyi.

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

1 SAMUELI 2:8

Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.