2 Sikirenyi lwaka lwa Mlungu ludedagha sa lukuwa; sikirenyi mrurumo ghufumagha momunyi kwake.
BWANA orekabieghe lukuwa kufuma mlungunyi, na Uo-Uko-Aighu-Nandighi ukadeda.
iji Mlungu orebonyagha vua inyeghe, na kubonya lukuwa lukabe.
Nani uichi seji Mlungu usasaragha mawingu, na seji lukuwa lukabagha kufuma kwake?
Lukuwa lwadawonyera kucha kwa kiremba, na mfugho ramanyagha kiremba chaawuyacha.
“Ngolo yapo yaobua kwa wundu ghwa kiremba, na kukaba kwa ndighi.
Konyuma mrurumo ghwa lwaka lwake ghwasikirika; lwaka lwa lukuwa ngelo iyo cheni waduma luhehia lung'ale-ng'ale.
Mlungu wadadeda sa lukuwa kwa chia ya mashiniko, nao wadabonya maza mbaa disedimagha kuritambua.
Niko BWANA ukamtumbulia Ayubu kufuma mbeonyi ya kikulughulu:
Kwawadie ndighi sa rapo? Kwadima kudeda na lwaka lubaa sa lwapo?
Kwendaghidokia machi, ghikakimbia; kwendaghifunyira momu, ghikaida shwa-shwa.
Ukadeda, lwaka lwake luaghonesha machi mlungunyi, na kubonya ikungughu jijoke kufuma kutua kwa ndoenyi; wadabonya luhehia luwoneke andenyi ya vua, na kureda mbeo kufuma andu uiwikagha.