AYUBU 36:3 - Biblia Ilagho Jiboie Kwa Wandu Wose

³ Naichi malagho malazi, nani nichawonyera seji Muumbi wapo uko na hachi.

AYUBU 36:3 ပူးပေါင်းရင်းမြစ်များ

AYUBU 32:2

Niko Elihu mwana wa Barakeli, M'buzi wa nyumba ya Raama, ukajokwa ni machu. Oremmbonyereghe Ayubu machu, angu orekunekieghe moni hachi kuchumba Mlungu.

AYUBU 32:8

Ela Roho unekwagha wandu ni Uo-Uwadie-Ndighi-Rose, nuo uwinekagha wadamu hikima.

AYUBU 34:5

Ayubu waghamba wei ndekosere, na kedi Mlungu oomsoka hachi rake.

AYUBU 36:2

“Nirumaghie kutini nikuwonyere; naduagha na malagho ghamu gheghora wulalo ghwa Mlungu.

AYUBU 37:23

Uo-Uwadie-Ndighi-Rose ooka m'baa disedimagha kumvikia; uo ni mloli na mhachi, nao ndekorongagha mndungi anduangi.

AYUBU 4:17

‘Mdamu uidagha, wadima kukaia mhachi imbiri ya Mlungu? Mdamu wadima kukaia uelie imbiri ya Muumbi wake?

AYUBU 8:3

Welee, Mlungu wadalaghasha loli? Angu Uo-Uwadie-Ndighi-Rose wadalaghasha hachi?

ZABURI 11:7

BWANA ni mhachi, nao wadakunda mabonyo gha hachi; awo wecha wichaghuwona wushu ghwake.

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

JEREMIA 12:1

Ngakareda malalamiko ghapo kwako ee BWANA, ni oho kuko na hachi yose. Elaima nalomba kudedanya na oho aighu ya hachi yako. Kwaki wandu wawiwi wikaiagha nicha huwu? Kwaki wandu wa mikalo wiwonagha mecha?

DANIELI 9:14

Kwa wundu ugho oho BWANA kukakaia tayari kudikaba; angu oho BWANA Mlungu odu koko mhachi kwa kazi rako rose kuribonyere, na isi dikalegha kukusikira.

DANIELI 9:7

Oho ko mhachi ee BWANA, ela isi wandu wa Juda na wa Jerusalemu daawuyafwa waya chiaimweri na wandu wa Israeli wose, awo wiko kaavui na awo wiko kula andenyi ya masanga ghose korediwingieghe kwa wundu ghwa mawiwi derekubonyereghe.

MATHAYO 12:42

“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.

WAROMA 9:14

Da dighora wada? Dighambe Mlungu ndena hachi? Hata kutini.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.