AYUBU 27:22 - Biblia Ilagho Jiboie Kwa Wandu Wose

²² Yamkumba noko kuseko na wughoma; wakimbia kiimbiri kukukira moni.

AYUBU 27:22 ပူးပေါင်းရင်းမြစ်များ

AYUBU 10:7

Oho kwawuyamanya wori siwadie ikosa jingi, na sena ndekuwadie mndungi udimagha kunifunya mikonunyi kwako anduangi.

AYUBU 11:20

Ela wandu wichazighana wafwa ngolo; chia ekimbiria ichawilaghaya, wichamanya wori waakola wafwa.”

AYUBU 20:24

Hata ngera wakimbie usepato ni iswagha ja chuma, uchalaswa na iwanu ja shaba.

ZABURI 11:6

Mlungu uchawiseria wawiwi modo na kibiriti; nao uchawikaba na mbeo ilunguragha.

KUFUMA 9:14

Ngelo ihi nichareda saka kwako koni, kwa wadumiki wako, na wandu wako; kupate kumanya angu ndekuwadie ungi ndoenyi kose uko sa ini anduangi.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

JEREMIA 13:14

Nichawiredia ndasanya kula mundu na mmbao, weke aba na wana wawo wa womi, waghamba BWANA. Sichaawiwonia wughoma, sichaasigha angu kufuya ungi wughoma; ela nichawitotesha wose.”

EZEKIELI 24:14

Ini BWANA naghamba, agho malagho ghichakatia; nichaghibonya nimoni. Sichaawuya nyuma, hata sichaalekia, angu kughaluka; ela kunughana na chia ra mabonyo ghako, nichakutanya. Ini Bwana MLUNGU naghamba.”

EZEKIELI 5:11

“Kwa wundu ugho, sa iji nikaiagha moyo, kwa loli angu kukulushire Andu Kwapo kwa Wueli na maza rako rizamie, na wuchafu ghwako ghose; nichakuinja hata nisekuwonie wughoma, hata sichaakulekia.

AMOSI 2:14

Mundu ukimbiagha na iseghe, ndechaakirwa ni iseghe jake; na uo uko na ndighi, uchateweleka; hata uo uko na kudima ndechaakukira moni anduangi.

JONA 1:10

Jona ukachuria kuwighoria kukaia odeeka ukimkimbia BWANA. Wadumiki wa melinyi wikaobua nandighi wikamzera, “Ni ilaghoki iji kwabonya?”

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

WUKUMBUSO 29:20

BWANA ndechaamfuya wughoma uo mundu. Wulalo ghwaro machu gha BWANA ghichaaka sa modo aighu ya mundu uo, na njowe riandikilo andenyi ya chuo ichi, richambwada; na BWANA uchajiinja irina jake ndoenyi.

WUKUMBUSO 32:23

“‘Nichawiredia wasi ghusesiagha, na kumeria mawanu ghapo ghose aighu yawo.

JOSHUA 10:11

Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.

1 SAMUELI 25:29

Wandu wikawuka kulwa na oho, wikikunda kujifunya irangi jako, BWANA uchajivisa irangi jako banana bwana wapo, na oho kuchalindilwa ni BWANA Mlungu wako; na marangi gha wamaiza wako uchaghikumba noko sa kukumbwa na kikuza.