AYUBU 27:13 - Biblia Ilagho Jiboie Kwa Wandu Wose

¹³ “Iji nijo ikabo ja mmbiwi jifumagha kwa Mlungu; ni ifundisho ja wakorongi wipatagha kufuma kwa Uo-Uwadie-Ndighi-Rose.

AYUBU 27:13 ပူးပေါင်းရင်းမြစ်များ

AYUBU 27:12

Nechi mwamerie kuriwona maza iri mmbose; kwaki sena mduagha mkideda malagho gha duu?

AYUBU 31:2

Nipataki kufuma aighu kwa Mlungu? Ni ifwaki nipatagha kufuma aighu kwa Uo-Uwadie-Ndighi-Rose?

AYUBU 31:3

Wasi ghwadawipata awo wisene hachi, na matiriro ghadawipata awo wibonyagha kiwiwi.

ZABURI 11:6

Mlungu uchawiseria wawiwi modo na kibiriti; nao uchawikaba na mbeo ilunguragha.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

MCHILI 8:13

ela nderikaiagha nicha kwa mmbiwi. Irangi jawo ni sa kiju; wichafwa wakoo, angu wisewuemsikira Mlungu.

ISAYA 3:11

Ni bugha kwa mmbiwi angu uchapatwa ni mawiwi, nao uchalipwa kara kara na kazi rake.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;