AYUBU 2:4 - Biblia Ilagho Jiboie Kwa Wandu Wose

⁴ Niko Shetani ukamtumbulia BWANA, “Mrongo kwa mrongo. Mundu wadima kufunya icho chose uko nacho kwa wundu ghwa irangi jake.

AYUBU 2:4 ပူးပေါင်းရင်းမြစ်များ

KUZOYA 47:17

Nao wikafunya mfugho, na Josefu ukawiuzira vindo kwa kuindana na farasi, ng'ondi, mburi, ng'ombe na weke punda. Mwaka ghuja ghukaida kwa kuindanisha vindo na mfugho.

KUZOYA 47:19

Kwaki ditotagha andwamweri na isanga jedu kukiwona? Dighuo andwamweri na isanga jedu kwa vindo, nesi dichakaia wazumba wa mzuri andwamweri na isanga jedu. Dineke vindo dipate kukaia moyo disechefwa, na mbeu rewa mbuwenyi kodu isanga jedu jisekenoneka.”

1 WAZURI 20:31

Wabaa wake wikamzera, “Ola dasikire wei wazuri wa Israeli weko na wughoma; sigha diro nguwo ra magunia viwonunyi kodu, na kukufunga kamba singonyi; kewada wadima kukuleka usekubwaghe.”

AYUBU 2:3

BWANA ukamkotia Shetani, “Welee, kwammbonie mdumiki wapo Ayubu? Ndekuwadie mndungi ndoenyi uko mloli na mucha sa uo. Wadanitasa na kukulindia usebonye ilagho jingi iwiwi. Kwanishingirie nikusighe kumkabe duu, ela Ayubu waduagha mloli.”

AYUBU 2:5

Ela kaba mumbi ghwake idana, kuwone seji ukuewiagha kukiwona woruwu.”

MAKATANISHO 13:8

Mundu wadima kutumia mali rake kukombua irangi jake, ela mkiwa ndeoboshwagha ni ilagho jingi.

JEREMIA 41:8

Ela korekoghe na wandu ikumi aghadi kwawo weremzerieghe Ishmaeli, “Kusedibwaghe; kwa kukaia isi deko na nganya ra ngano, na shairi, mavuda, na wuki ghuvisiro mbuwenyi.” Nao ukawisigha chiaimweri na wambao, hata ndewerewibwaghieghe anduangi.

MATHAYO 16:26

ela uo ujilaghashagha irangi jake kwa wundu ghwapo uchajipata sena. Ichamfwana mundu kii ukaghupata wurumwengu ghose na kujilaghasha irangi jake? Angu uchafunya kii kuindana na irangi jake?

MATHAYO 6:25

“Kwa huwu namzera, msakesumbukia irangi jenyu mchajaki, angu mchanywaki, angu kwa mumbi ghonyu mcharwaki. Welee, irangi ndajachumba vindo, na mumbi ndaghwachumba marwao anguwada?

LUKA 12:23

Angu irangi jachumba vindo, na mumbi ghwachumba marwao.

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.