AYUBU 2:3 - Biblia Ilagho Jiboie Kwa Wandu Wose

³ BWANA ukamkotia Shetani, “Welee, kwammbonie mdumiki wapo Ayubu? Ndekuwadie mndungi ndoenyi uko mloli na mucha sa uo. Wadanitasa na kukulindia usebonye ilagho jingi iwiwi. Kwanishingirie nikusighe kumkabe duu, ela Ayubu waduagha mloli.”

AYUBU 2:3 ပူးပေါင်းရင်းမြစ်များ

KUZOYA 6:9

Ichi nicho kivalwa cha Nuhu. Nuhu orekoghe mundu wa hachi, usezughunukilwagha ni mndungi wa iro ngelo; nao orewadaneghe na Mlungu.

2 SAMUELI 20:20

Joabu ukatumbulia, “Agho ghikaie kula, ghikaie kula putu nani, ghezerwa kedi ni ini ninonagha!

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

AYUBU 1:11

Ela idana inja ivi uko navo, kuwone seji uchaakuewia kukiwona woruwu.”

AYUBU 1:6

Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

AYUBU 13:15

Hata Mlungu ukanibwagha, nichadua ngimsuwiria; elaima nichakudederia ini moni imbiri kwake.

AYUBU 2:2

Na BWANA ukamkotia Shetani, “Welee, oho kwafuma hao?” Shetani ukamtumbulia BWANA, “Nedeeka ngimara-mara na kusela iichia na iichia ndoenyi.”

AYUBU 2:4

Niko Shetani ukamtumbulia BWANA, “Mrongo kwa mrongo. Mundu wadima kufunya icho chose uko nacho kwa wundu ghwa irangi jake.

AYUBU 9:17

Wadanikaba na mbeo ya kiremba, na kuchuria kunishoghonua duu.

AYUBU 9:20

Hata ngera siwadie ikosa, madedo ghapo gheni ghichanitanya; hata ngera nakatie, uchaniwona nalagharie.

ZABURI 26:1

Kunitale kukaia nisewadie ikosa, ee BWANA, angu naghendie na irangi jiboie; neekurumiria putu.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

ZABURI 41:12

Kwanimazirie kwa wundu ghwa wucha ghwapo, na kuniwika imbiri kwako kwa kala na kala.

MAKATANISHO 11:8

Mundu wa hachi wadakirwa na maza rizamie, ela mundu mmbiwi wadawunjirwa iro maza mbiwi.

MAKATANISHO 13:6

Hachi yadamlindia mundu mucha, ela wuwiwi ghwadamghusha mkaung'a.

MAKATANISHO 14:2

Mundu ughendagha nicha, wadamuobua BWANA, ela uo ughendagha kiwiwi, wadammenya.

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 16:17

Mundu mucha wadalegha chia mbiwi, uo ulindiagha mighendo yake wadajilindia irangi jake.

JOHANE 9:3

Jesu ukawitumbulia, “Mundu uhu nderebonyereghe kaung'a, hata wavi wake anduangi; ela odevalwa kitungure eri kazi ra Mlungu ripate kufunukuka andenyi kwake.

WAFILIPI 3:12

Si angu wei neemeria kupata, angu wei neekata, ela naawuyafunga ndighi kughenda imbiri eri nipate inosi; ijo kwa wundu ghwaro Kristo Jesu oreniwusireghe.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.