AYUBU 2:13 - Biblia Ilagho Jiboie Kwa Wandu Wose

¹³ Niko wikaseanya kidombo andonyi kwa matuku mfungade kio na dime. Ndeweredimieghe kudedanya nao angu werewonieghe wasi ghwake kukaia m'baa.

AYUBU 2:13 ပူးပေါင်းရင်းမြစ်များ

KUZOYA 1:5

Mwengere ukaghuwanga, “Dime” na kira ukachiwanga “Kio”. Kukakaia nakenyi, kukakaia nakesho, ituku ja imbiri.

KUZOYA 1:8

Nao Mlungu ukakuwanga aho mawingunyi, “Mlungunyi.” Kukakaia nakenyi, kukaia nakesho, ituku ja kawi.

KUZOYA 50:10

Hata iji werevikieghe lwala loelia viro lwa Atadi, luko kimonu cha Jordani, wikalila kililo kibaa cha wasi, na Josefu ukabonya ifwa aho kwa wundu ghwa ndee matuku mfungade.

EZRA 9:3

Niendasikira maza iro, ngarashua nguwo rapo, na kukua iridia japo na sombe rapo; ngasea kidombo kwa wasi.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

AYUBU 3:1

Nyuma ya agho, Ayubu ukazoya kudeda na kujiewia ijo ituku ja kuvalwa kwake.

AYUBU 4:2

“Mndungi ukakunda kughora nakumoni-lee, kukuwa ngera? Elaima nani udimagha kunyama kima?

ZABURI 77:4

Wadanibonya nikaie nilave kio chee, naja wasi nandighi hata nialemwa ni kudeda.

ISAYA 3:26

Mbenge ra muzi ghwa Jerusalemu richalila na kukema mchungu; na muzi ghuchakaia sa muka wasea kidombo wasighwa duu.

ISAYA 47:1

BWANA waghamba, “Sea, kusee kidombo a terinyi ee muzi ghwa Babuloni; seria andonyi kuseko na kifumbi cha nguma, ee muzi ghwa Wakaldayo! Kwa kukaia ndekuchaawangwa sena, ughokie, ufwano.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

EZEKIELI 3:15

Ngacha kwa waja wandu weredwaloghe wunyika aja Telabibu, awo werekoghe wikikaia kaavui na Moda ghwa Kebari. Ngakaia aho matuku mfungade nilemero nandighi ni agho nereghiwonieghe na kughisikira.