AYUBU 2:12 - Biblia Ilagho Jiboie Kwa Wandu Wose

¹² Iji wammbona wiko kakula, ndeweremmanyireghe. Wiendammanya, wikazoya kukema na kulila; wikarashua majoho ghawo kwa wasi, wikamicha teri nokoighu na kukudunga vongonyi kwawo.

AYUBU 2:12 ပူးပေါင်းရင်းမြစ်များ

KUZOYA 27:34

Esau uendasikira malagho gha ndee, ukalila kwa luwawo lubaa na ndighi, ukamzera ndee, “Nirasimie ini na ini wori ee aba!”

2 SAMUELI 13:36

Nao usendeemeria kughora, wana wa mzuri wikacha wikazoya kulila; na mzuri wokoni ukalila chiaimweri na wadumiki wake; wikalila kwa luwawo lubaa.

EZRA 9:3

Niendasikira maza iro, ngarashua nguwo rapo, na kukua iridia japo na sombe rapo; ngasea kidombo kwa wasi.

NEHEMIA 9:1

Ituku ja mori mirongo iwi na inya ja ugho mori ghoni, wandu wa Israeli wikakwanyika kufunga tumu kwa wundu ghwa kaung'a rawo. Wikakudunga teri vongonyi kwawo, na kurwa nguwo ra magunia kuwonyera wasi.

ESTA 4:1

Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

AYUBU 19:14

Wakichuku wapo wanisighie, na waghenyi wapo waniliwie.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

EZEKIELI 27:30

wikikulilia na kukema kwa kuwawa kubaa. Wakumba teri aighu ya vongo vawo, na kughala-ghala a ivunyi;

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

WUFUNUO 18:19

Hata iji werekoghe wikilila na kukema mchungu, wikakudunga teri vongonyi kwawo wikighamba, “Weei! Wee ngai Babuloni ghuja muzi m'baa! Andu wandu wose werekoghe na meli baharinyi, wereshamieghe kwa mali rake! Na kwa saa imweri ghwameria kusia putu!

WATANYI 2:4

Malaika wa BWANA uendaghora huwo, wandu wa Israeli wose wikazoya kulila.

1 SAMUELI 11:4

Nao iji awo wadumwa wavika muzi ghwa Gibea kwa Sauli, wikaghora agho malagho kwa wandu; na wose wikaarisa mchungu na kulila.

1 SAMUELI 30:4

Daudi na wandu wake wikaarisa mchungu na kulila hata wikasilwa ni ndighi.

1 SAMUELI 4:12

Nao mndumu wa kivalwa cha Benjamini ukakimbia kufuma wudenyi, ukaghenda na kuvika Shilo ijo ituku jeni; orekoghe warashua nguwo rake na kukudunga ndoe ra chongo kwa wasi.