AYUBU 2:1 - Biblia Ilagho Jiboie Kwa Wandu Wose

¹ Ituku jimu weke malaika wikacha sena kukuwonyera weni imbiri ya BWANA, na Shetani wori ukachanya nawo.

AYUBU 2:1 ပူးပေါင်းရင်းမြစ်များ

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

AYUBU 1:6

Nao ituku jimu, weke malaika wikacha kukuwonyera weni imbiri ya BWANA, na Shetani wori ukacha aghadi kwawo.

AYUBU 1:8

BWANA ukamkotia Shetani, “Welee, kwammbonie uo mdumiki wapo Ayubu? Ndekuwadie mndungi uko sa uo ndoenyi; mundu ukatie, usewadie wuwiwi ghungi, muoboi Mlungu, uleghie mawiwi.”

AYUBU 2:2

Na BWANA ukamkotia Shetani, “Welee, oho kwafuma hao?” Shetani ukamtumbulia BWANA, “Nedeeka ngimara-mara na kusela iichia na iichia ndoenyi.”

AYUBU 38:7

Ngelo iyo, nyerinyeri ra nakesho rereborieghe chiaimweri, na weke malaika wose wikazuma kwa kuboilwa.

LUKA 1:19

Malaika ukamtumbulia, “Ini ne Gabrieli, nikaiagha kimusi imbiri ya Mlungu, nani naadumwa nichekughoria oho malagho mecha.

LUKA 22:31

“Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?