AYUBU 19:8 - Biblia Ilagho Jiboie Kwa Wandu Wose

⁸ Mlungu wanitangalie chienyi niseide; waserie kira chienyi kwapo.

AYUBU 19:8 ပူးပေါင်းရင်းမြစ်များ

AYUBU 23:17

Hata huwo saki, kira ndechininyamirishire; sinyamirishiro ni icho kira cha ndindi anduangi.

AYUBU 3:23

Kwaki mundu usemanyagha kutua kwake uwikwagha moyo, na Mlungu wamerie kummaria na wasi chia rose?

AYUBU 30:26

Ela iji neresuwirieghe mecha, neechapatwa ni mawiwi; na iji neresuwirieghe mwengere neechawona kira.

ZABURI 88:8

Kwabonyere waghenyi wapo wikanilegha, kukawibonya winiwone sa kilambo cheobolwa. Narughilwa, nani sidimagha kufuma;

MAKATANISHO 4:19

Chia ya wawiwi ni sa kira cha ndindi; ndewimanyagha niki chawikuwisha.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 59:9

Wandu waghamba, “Ni kwa wundu ughu ndediwuebonyerwa hachi, hata ndediwuepata loli ingi anduangi; dalola mwengere, ela daawuyapata kira; dasuwiria kuwona mwengere ela daawuyaghenda kirenyi.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 23:12

Chia rawo richawuya redendeluka a kirenyi, andenyi ya iro chia, wichawingwa na kughwa; kwa kukaia nichareda wuwiwi aighu kwawo, andenyi ya ugho mwaka ghwa kukabwa kwawo.

KILILO CHA JEREMIA 3:5

Wanirughie na kuningira kifungonyi cha wasi na matiriro.

KILILO CHA JEREMIA 3:7

Wanifungie na minyororo; nakaia mfungwa usene isuwirio jefufunuka.

KILILO CHA JEREMIA 3:9

Wafungie chia yapo na magho ghiwachilo; wabonyere chia yapo ikaie ya ngulai-ngulai.

HOSEA 2:6

Kwa huwo nichaikabia chia yake isanju ja minjwa, nani nichaagha wurigha ghoditanya, usedime kuwona chia rake sena.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

JOHANE 8:12

Jesu ukawizera Mafarisayo sena, “Ini nuo mwengere ghwa wurumwengu, uo uninughagha ini na jingi ndechaaghenda na kira anduangi, ela uchakaia na mwengere ghwa irangi.”

JOSHUA 24:7

Hata iji wanikemia ngangira kira ghadi na ghadi yawo na Wamisri, ngaibonya bahari iwimile Wamisri na kuwifinikira; meso ghawo ghikawona seji nawibonya Wamisri; nenyo mkakaia kireti kwa ngelo ndacha.