AYUBU 18:5 - Biblia Ilagho Jiboie Kwa Wandu Wose

⁵ “Mwengere ghwa mmbiwi ghwarimishwa na lumu lwa modo ghwake ndeluakagha.

AYUBU 18:5 ပူးပေါင်းရင်းမြစ်များ

AYUBU 15:30

Ndechaafufunuka kufuma kirenyi; uchakaia sa mudi mbashu raro riomerelo ni modo, na miruke ifumagha momunyi kwa Mlungu ichamuinja noko.

AYUBU 18:4

Kwaawuyakubwagha kumoni na machu ghako. Ndoenyi kwadima kusighwa kwa wundu ghwako? Mighondi yadima kuinjwa andu kwaro eri kukato?

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

AYUBU 21:17

“Jingi kwawonie taa ya mmbiwi irimishiro? Jingi kwawonie ungi wawo ukipatwa ni wasi? Jingi Mlungu wamkabie mmbiwi kwa machu ghake?

MAKATANISHO 13:9

Mhachi ooka sa mwengere ghung'alaa-ng'ala kwa ndighi, ela taa ya mmbiwi icharimishwa.

MAKATANISHO 20:20

Mundu ukamuewia ndee angu mae, irangi jake jichasia sa taa yarimishwa kirenyi.

MAKATANISHO 21:4

Wandu wawiwi wadalongozwa ni lubando, na kukujosa, na iyo ni kaung'a.

MAKATANISHO 24:20

kwa kukaia mundu mmbiwi ndena isuwirio jingi, na taa yake icharima.

MAKATANISHO 4:19

Chia ya wawiwi ni sa kira cha ndindi; ndewimanyagha niki chawikuwisha.

ISAYA 50:11

Inyo mmbose m'bonyagha njama retotesha wazima, mchatoteshwa ni njama renyu reni. BWANA moni uchabonya maza iri rikaie nenyo mchapata wasi m'baa.

ISAYA 57:20

Ela wandu wawiwi wichakaia sa mivo-mivo ya bahari isehoragha, machi gharo ghachue mazozo na wuchafu.

EZEKIELI 32:7

Ngelo nakunona, nichafinikira mlungunyi, na nyerinyeri richawuya kira; nichajifinikira iruwa na mawingu, na mori ndeghuchaafunya miengere yaro anduangi.