AYUBU 16:9 - Biblia Ilagho Jiboie Kwa Wandu Wose

⁹ Mlungu wanirashue-rashue kwa machu ghake; wazamilo ni ini na kuja maghegho aighu yapo. M'maiza wapo waawuyanizighana kiwiing'iwi.

AYUBU 16:9 ပူးပေါင်းရင်းမြစ်များ

AYUBU 13:24

Kwaki kunivisiragha wushu ghwako, na kunitala sa m'maiza wako?

AYUBU 13:27

Kwanifunga maghu ghapo na minyororo, kwacheresha kukizighanira milambo yapo, na kubonya alama andu nawadia.

AYUBU 18:4

Kwaawuyakubwagha kumoni na machu ghako. Ndoenyi kwadima kusighwa kwa wundu ghwako? Mighondi yadima kuinjwa andu kwaro eri kukato?

AYUBU 19:11

Wamerie kunibonyera machu mabaa, na kunitala kukaia sa m'maiza wake.

AYUBU 30:21

Oho kwawuya mng'eti kwapo, kwaawuyanikoronga kwa ndighi rako rose.

AYUBU 33:10

Ela Mlungu waawuyanitala kukaia mkosi, na kuniwona sa m'maiza wake.

AYUBU 6:4

Uo-Uwadie-Ndighi-Rose wanilasire na mawanu ghake, na wusungu ghwaro ghwaawuyasela mumbinyi kwapo; kiture cha Mlungu chanimarie chia rose.

ZABURI 35:16

Werenisekieghe sa wandu wiseko na kuobua kwa Mlungu, wikaja maghegho aighu yapo wikizamilwa.

ZABURI 37:12

Mmbiwi wadabonya mpango ghom'bonya mhachi kiwiwi, na kuja maghegho aighu yake.

ZABURI 50:22

“Zighanenyi ijo ilagho inyo muniliwagha, nisechemrashua hata msowe mndungi omkira.

KILILO CHA JEREMIA 2:16

Wamaiza wako wose wakudema sare na kukuzighana kwa lumenyo. Wachunua memu yawo na kuzoma wikighamba, “Dameria kughunona. Wakema, iji nijo ituku derejisuwirieghe, idana dajipata, dajiwona.”

KILILO CHA JEREMIA 3:10

Orekoghe ukinilaliria sa kibarabara, ukaniramia sa shimba.

HOSEA 5:14

Nichawikaba wandu wa Israeli na Juda sa shimba. Nichawirashua ini moni viluponge na kuwisigha. Ngelo nawifunya noko, ndekuchaakaia na mndungi owikira anduangi.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

MIKA 7:8

Kusakeboilwa aighu yapo ee m'maiza wapo; iji naghwa nichawuka; iji nakaia kirenyi, BWANA uchakaia mwengere ghwapo.

MABONYO GHA WADUMI 7:54

Nao iji wandu wa mwandu weresikireghe malagho agho, wikajokwa ni machu loli-loli, na kuja maghegho ghawo aighu yake.