AYUBU 15:23 - Biblia Ilagho Jiboie Kwa Wandu Wose

²³ Wamara-mara ukighesha uo ni vindo va nderi. Waichi wori ituku jake ja kira jalighisa.

AYUBU 15:23 ပူးပေါင်းရင်းမြစ်များ

KUZOYA 4:12

Iji kwailima ndoe, ndeichaakuneka mavalo ghangi, kuchakaia kusewadie muzi na mundu omara-mara ndoenyi.”

AYUBU 15:22

Ndena irumirio wei uchafuma kirenyi, ela wadaweseragha kubwaghwa kwa lufu.

AYUBU 15:24

Wangilwa ni kiture cha wasi na matiriro; viasimana nao sa mzuri ukuboisire kwa wuda.

AYUBU 15:30

Ndechaafufunuka kufuma kirenyi; uchakaia sa mudi mbashu raro riomerelo ni modo, na miruke ifumagha momunyi kwa Mlungu ichamuinja noko.

AYUBU 18:12

Ndighi rake ramerelwa ni njala, wasi m'baa ghwaawuyammbesera.

AYUBU 18:18

Wafunywa mwengerenyi, na kungirwa kirenyi; wawingwa noko kula kufuma wurumwengunyi.

ZABURI 109:10

Wana wake ndewiwuye walombi wemara-mara; ndewiwingo wifume maghachonyi wawuyakaia.

ZABURI 59:15

Wadamara-mara sa koshi wikilola vindo, na kuboka iji walemwa ni kughuda.

ZABURI 59:16

Ela ini nichabora malagho gha ndighi rako, kula nakesho, nichaghibora agho gha lukundo lwako lukatie. Oho korekoghe ngome na andu kwapo kokimbiria ngelo ya wasi.

MAKATANISHO 10:3

BWANA ndemsighagha mhachi ukaie njala, ela wadamghiria mmbiwi usepate icho ukunde.

MAKATANISHO 16:4

BWANA oobonya maza rose kukatisha makusudi ghake, hata wawiwi weewikwa kwa ituku ja wasi.

MCHILI 11:8

Mundu ukakaia moyo miaka mingi, ndefunye chawucha andenyi ya matuku gha irangi jake; ela ukumbuke kukaia uchafwa. Iro naro ni maza ra duu.

KILILO CHA JEREMIA 5:6

Dakufunyire kwa Wamisri na wandu Waashuru, eri dipate vindo vidikate.

KILILO CHA JEREMIA 5:9

Dapata vindo kwa kuwika marangi ghedu ndengonyi, kwa kukaia wabwaghi waawuyamara-mara kireti.

JOELI 2:2

Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

AMOSI 5:20

Welee, huwo ituku ja BWANA ndejeeka kira jisewadie mwengere, ituku ja kira cha ndindi jisena mwengere ghungi anguwada?

ZEFANIA 1:15

Ituku ijo jichakaia ja machu mabaa; ituku ja wasi na kuwawa, ituku ja kunoneka, ituku ja kira na kiture, ituku ja mawingu na kira kibaa;

WAEBRANIA 10:27

ela kuasighwa kulangaria kuja kutanywa koobosha, na kubia kwa modo, uko kuchaawilungura awo wamaiza.