AYUBU 14:5 - Biblia Ilagho Jiboie Kwa Wandu Wose

⁵ Irangi jake jeepimwa, na mtalo ghwa meri yake koko nagho; oho kwapangie kutua kwake, usedimagha kughalua.

AYUBU 14:5 ပူးပေါင်းရင်းမြစ်များ

AYUBU 12:10

Irangi ja kula kindo chiko moyo, na miruke ya wadamu wose eeka mikonunyi kwake.

AYUBU 14:14

Mundu ukafwa-lee, uwuyakaia moyo sena? Matuku ghose gha wudumiki ghwapo ghukurie, nichaweseria hata nivikie kufungulwa.

AYUBU 16:22

Nyuma ya miaka mitini, nichaghenda chia nisechaawuya.

AYUBU 21:21

Mundu ukameria kufwa, watalagha malagho gha wandu wa nyumba yake uwisighie?

AYUBU 7:1

“Mdamu oko na wudumiki ghukurie ndoenyi, na matuku ghake gheeka sa matuku gha kibarua.

ZABURI 104:29

Kukavisigha, viakambwa ni chongo; kukawusa miruke yako, viafwa na kuwuya terinyi kwawo.

ZABURI 104:9

Korebonyereghe mwano machi ghisechumbe, ghisechewuyafinikira ndoenyi sena.

ZABURI 139:16

koreniwonieghe imbiri nisevalo. Matuku ghapo ghose ninekelo, ghereandikiloghe andenyi ya chuo chako, imbiri jingi jaro jisezoe.

ZABURI 31:15

Matuku ghapo gheeka mikonunyi kwako, kunikire na wamaiza wapo na awo winikorongagha.

ZABURI 39:4

“Kunimanyishe kutua kwapo ee BWANA, na mtalo ghwa matuku ghapo; nimanyishe irangi japo seji jiko ivui.

MCHILI 3:2

Ngelo evalwa na ngelo ya efwa; ngelo ewa na ngelo ekua;

MCHILI 8:8

Mndungi ndedimagha kukughiria usefo, angu kuinja ituku ja kifwa chake; ni wuda disedimagha kughuinjikia; ndediwadie wuya ghungi ghochikimbia.

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

DANIELI 5:26

Kutambua kwaro ni uku: MENE: Kutambua kwaro Mlungu wameria kutala matuku gha wuzuri ghwako na kughimeria;

DANIELI 5:30

Kio icho cheni, Belshazari mzuri wa Babuloni ukabwaghwa,

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

MABONYO GHA WADUMI 17:26

Nao orebonyereghe mbari ra wandu kufuma kwa mundu umweri, wikaie ndoenyi kose; nyuma ya kuwika ngelo na mano ya andu kwawo kokaia;

WAEBRANIA 9:27

Na seji koni iwikilo kwa wandu kufwa indo jimweri, na nyuma yaro kutanywa,

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.

1 SAMUELI 26:10

Nao Daudi ukaghamba, “Sa iji BWANA ukaiagha moyo, uchamkaba moni, angu ituku jake jefwa jivika, angu kewada ungie wudenyi nao ufue aho.