AYUBU 11:7 - Biblia Ilagho Jiboie Kwa Wandu Wose

⁷ “Kwadima kumanya ngasu ra Mlungu? Kwadima kumanya kutua kwake Uo-Uwadie-Ndighi-Rose?

AYUBU 11:7 ပူးပေါင်းရင်းမြစ်များ

AYUBU 22:12

“Welee, Mlungu ndadakaia koighu mlungunyi, na kuzighana nyerinyeri nandonyi hata ngera reko ighu na ndighi?

AYUBU 26:14

Agha malagho gha kazi rake dawuyaghiwona ni gha ighu-ighu; daawuyasikira lwaka lohohoria tu. Ela kwa loli nani udimagha kumanya seji Mlungu uko m'baa?”

AYUBU 27:11

Nichamfundisha malagho gha ndighi ra Mlungu; sichaamvisa maza ra Uo-Uwadie-Ndighi-Rose anduangi.

AYUBU 33:12

“Ela nakuzera ndekune loli ingi aighu ya ilagho iji. Mlungu ni m'baa kuchumba mdamu.

AYUBU 33:13

Kwaki kusimanagha nao wei ndetumbuliagha ilagho jingi ja mdamu?

AYUBU 35:5

Zighana cha mawingunyi kuwone; wona mawingu ghiko ighu kukuchumba.

AYUBU 36:26

Ndedimanyagha seji Mlungu uko m'baa; miaka yake ndeitalikagha.

AYUBU 37:23

Uo-Uwadie-Ndighi-Rose ooka m'baa disedimagha kumvikia; uo ni mloli na mhachi, nao ndekorongagha mndungi anduangi.

AYUBU 37:5

Mlungu wadadeda sa lukuwa kwa chia ya mashiniko, nao wadabonya maza mbaa disedimagha kuritambua.

AYUBU 42:3

Kwanikotia seji nidimie kukaia na ngera na hikima yako, niseichi kindo chingi. Ini nedededa malagho niseghimanyagha, malagho ghiko mabaa nisedimagha kughitambua.

AYUBU 5:9

Uo wadabonya maza ra mashiniko, na weke mwakilimbiti wisena mtalo.

ZABURI 139:6

Kumanya uko kwaawuyanishinua nandighi, kooka ighu hata sidimagha kukuvikia.

ZABURI 145:3

BWANA ni m'baa, nao wafwana ukaso nandighi. Wubaa ghwake ndeghumanyikagha.

ZABURI 77:19

Koreghendieghe aighu ya bahari; kukaidia aghadi ya machi mengi; ela sena chwau rako ndererewonekieghe anduangi.

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

MCHILI 3:11

Wabonyere kula kilambo chikaie chighokie kwa ngelo yaro; wokoni wabonyere wandu wimanye ngolonyi kwawo kukaia kala na kala eko; ela sena ndewidimagha kuelelwa agho Mlungu ubonyere kufuma kuzoya hata kutua.

MCHILI 7:24

Hikima eeka ndenyi na ndighi; nani udimagha kuimanya?

ISAYA 40:28

Wele ndekuichi, angu ndekusikire? Kukaia, BWANA ni Mlungu wa kala na kala, nuo Muumbi wa kutua kose kwa ndoenyi, ndesilwagha jingi hata ndedumbukagha, kumanya kwake ndekulawulwagha.

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?

1 WAKORINTHO 2:10

Ela Mlungu oredifunukueghe isi kwa chia ya Roho; angu Roho wazighana maza rose ra Mlungu hata iro riko ndenyi na ndighi.

1 WAKORINTHO 2:16

“Angu nani uichi maghesho gha Bwana udimagha umfundishe?” Ela isi deko na maghesho gha Kristo.

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.