AYUBU 11:19 - Biblia Ilagho Jiboie Kwa Wandu Wose

¹⁹ Kuchalala, na mndungi ndechaakuturusa; wandu wengi wichakulomba wutesia.

AYUBU 11:19 ပူးပေါင်းရင်းမြစ်များ

2 MALAGHO GHA NGELO 20:30

Jehoshafati ukabonya nguma kwa sere; Mlungu ukamfighika kwa kula chia mbai-mbai kose.

AYUBU 11:18

Kuchakaia banana kuko na isuwirio; Mlungu uchakulindia na kukuhoresha.

ZABURI 127:2

Kuwuka nakesho, na kuchelewa kulala, kukidumika nandighi kupate vindo veja ni kazi nduu; kwa kukaia BWANA wadawikatishira awo uwikundagha ngelo wiko wilale.

ZABURI 4:8

Nichalala andonyi kwa sere, na kupata dilo. Ni oho kuekeri ee BWANA, kunibonyagha nikaie banana.

ZABURI 45:12

Wandu wa Tiro wichakuredia manosi, wazuri wa mali wichalola kurumirilwa ni oho.

MAKATANISHO 19:6

Wandu wengi wadalola kurumirikia kwa wabaa, na kula umu ni mghenyi wa mundu ufunyagha manosi.

MAKATANISHO 3:24

Kukaghenda wulinyi ndekuchaaobua, na iji kwalala kuchapata dilo risingie.

ISAYA 17:2

Mizi ya Siria ichasighwa putu, nayo ichawuya andu kolishira ng'ombe na ng'ondi; richadima na mndungi ndechaariturusa anduangi.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

EZEKIELI 34:28

Nderichaakaia madiwo sena gha iro mbari ra wandu, hata nyamandu ra isangenyi nderichaarija sena; richakaia banana na mndungi ndechaariturusa sena anduangi.

WALAWI 26:6

“Nichamredia sere isangenyi, nenyo mchalala mseobuagha mndungi, nichainja nyamandu rose ra ndengwa isangenyi, hata ndemchaakaia na wuda isangenyi anduangi.

MIKA 4:4

Kula mundu uchakaia na sere aisi ya mzabibu na mtini ghwake, hata ndekuwadie mndungi uchaamuobosha; angu BWANA Uwadie-Ndighi-Rose walaghira.

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.