AYUBU 10:9 - Biblia Ilagho Jiboie Kwa Wandu Wose

⁹ Manya koonibonya na wongo, da kuaniwunja teri sena?

AYUBU 10:9 ပူးပေါင်းရင်းမြစ်များ

KUZOYA 2:7

Niko BWANA Mlungu ukam'bonya mdamu wa teri kufuma kwa ndoe, ukamfuria miruke ya irangi mbuonyi kwake, na mdamu ukakaia mundu uko moyo.

KUZOYA 3:19

Kwa marughudia gha wushu ghwako kuchaja vindo, hata kwawuya ndoenyi andu korefunyiroghe. Angu ko teri oho, na terinyi kuchawuya.”

AYUBU 10:10

Wele si kwa lukundo lwako na kudima kwako nereamiloghe, ngazoghua andenyi ya kifu cha mao?

AYUBU 17:14

Nichaiwanga kaburi aba; na ming'ori inijagha mao na wanidu wa waka.

AYUBU 33:6

Kumanye ini neeka sa kumoni imbiri ya Mlungu; ini wori neeumbwa kwa wongo.

AYUBU 34:15

wandu wose wichafwa na kuwuya terinyi.

AYUBU 4:19

Welee, wadima kuwirumiria wandu wiumbilo kwa ndoe; kilambo cha ndoe chidimagha kufashwa sa kifurute?

AYUBU 7:21

Ndekudimagha kunilekia makosa ghapo, na kuinja kaung'a rapo? Kafwani koni nichawunjwa terinyi; kuchanilola ela sichaawoneka.”

AYUBU 7:7

“Kumbuka ee Mlungu kukaia, irangi japo ni mruke mduu, najingi sichaawona mecha sena.

ZABURI 103:14

Waichi tabia redu; wakumbuka kukaia isi de teri.

ZABURI 104:29

Kukavisigha, viakambwa ni chongo; kukawusa miruke yako, viafwa na kuwuya terinyi kwawo.

ZABURI 106:4

Kukawibonyera wandu wako mecha na ini kunikumbuke ee BWANA; kunitale ingelo kwakawikira.

ZABURI 22:15

Irangi japo jaoma sa luwigha; lumi lwapo lwakakadiana na lwasasa, na oho kwanirarisha terinyi nifue.

ZABURI 25:18

Ririkanya aighu ya kukorongwa kwapo na wasi ghwapo, kunifuye wughoma kaung'a rapo rose.

ZABURI 78:39

Ukakumbuka kukaia awo ni wadamu tu, wiko sa mbeo iidagha isechaawuya sena.

ZABURI 89:47

Kumbuka matuku gha irangi japo ni matinieri ee BWANA; kumbuka wadamu wose koowiumba wa kunoneka!

ZABURI 90:3

Kwadamzera mdamu uwuye andu orekoghe; “Kwadamghalusa uwuye ndoe.”

MCHILI 12:7

Wandu wichawuya ndoenyi, na roho iwuye kwa Mlungu uo oreifunyireghe.

ISAYA 45:9

“Ni bugha kwa uo mundu usimanagha na Muumbi wake ni karakara na nyungu isimanagha na uo uivimbie! Welee, wongo ghwadima kumkotia uo mvimbi, ‘Niki kwawuyabonya?’ angu kughamba, ‘Kazi yako ndeiboie?’

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

JEREMIA 18:6

“Welee, sidimagha kubonya konyu ee wandu wa Israeli, seji u mvimbi wabonya? Inyo mooka mkonunyi kwapo kara kara na wongo mkonunyi kwa mvimbi.

WAROMA 9:21

Welee, mvimbi ndeko na nguma aighu ya wongo kubonya kilambo chimu chighokie, na chimu chiseghokie kufumanya na jija idonge jeni jimweri ja wongo anguwada?

2 WAKORINTHO 4:7

Ela deko na mali ihi andenyi kodu isi diko sa vombo va wongo; eri rija ndighi mbaa richumbie ripate kuwoneka kukaia ni ra Mlungu, hata si redu ringi anduangi.