AYUBU 10:7 - Biblia Ilagho Jiboie Kwa Wandu Wose

⁷ Oho kwawuyamanya wori siwadie ikosa jingi, na sena ndekuwadie mndungi udimagha kunifunya mikonunyi kwako anduangi.

AYUBU 10:7 ပူးပေါင်းရင်းမြစ်များ

AYUBU 10:15

Ngakaia na makosa ni bugha kwapo! Ngakaia mhachi, sikukasagha; kwa kukaia nichazighana makorongo ghapo, na kufwa waya.

AYUBU 11:4

Oho kwawuyaghamba, ‘Malagho nawuyaghora ni gha loli, nani naelie imbiri ya Mlungu.’

AYUBU 13:18

Olenyi namerie kuboisa malalamiko ghapo, namanya kukaia nichatalilwa hachi.

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

AYUBU 23:11

Nadanugha chia yake kwa wuloli ghose, hata na jingi siisighie anduangi.

AYUBU 27:22

Yamkumba noko kuseko na wughoma; wakimbia kiimbiri kukukira moni.

AYUBU 31:14

nibonya wada iji Mlungu wakatanya? Ukakakotia-lee, nimtumbulia wada?

AYUBU 31:35

Welee, ndekuwadie mndungi udimagha kunisikiria seji nighoragha? Naghema kukaia kula ilagho nighoragha ni ja loli. Uo-Uwadie-Ndighi-Rose ndenitumbulie. Na wei mashitakio ghiredwagha ni m'maiza wapo ghadaandikwa nighiwone,

AYUBU 31:6

Mlungu ndenitanye kwa hachi, nao uchawona kukaia siwadie ikosa jingi.

AYUBU 32:1

Nao awo wandu wadadu wikaleka kumtumbulia Ayubu, angu orekuwonieghe moni kukaia mhachi.

AYUBU 33:9

‘Naelie, sina ikosa jingi; neko nicha, siwadie wuwiwi ghungi.

AYUBU 40:8

Kwadima kunitala ini kukaia mkosi? Kwadima kunitanya ini kukaia mkosi eri oho kukaie mhachi?

AYUBU 42:7

Nao iji BWANA wameria kughora na Ayubu, ukamzera Elifazi Mtemani, “Najokwa ni machu aighu yako na waghenyi wako wawi; kwa kukaia ndemdedie malagho gha loli aighu yapo sa mdumiki wapo Ayubu.

AYUBU 9:12

Mlungu ukawusa-lee, nani udimagha kumghiria? Nani udimagha kumkotia, ‘Niki kubonyagha?’

AYUBU 9:21

Ini nakatie, ela sitalie; nakoja kukaia moyo.

AYUBU 9:22

Ghose ni kara kara; niko naghamba wadatotesha wose wecha na wawiwi.

ZABURI 1:6

BWANA wadawighenja wahachi, ela wawiwi wichatoteshwa.

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

ZABURI 50:22

“Zighanenyi ijo ilagho inyo muniliwagha, nisechemrashua hata msowe mndungi omkira.

ZABURI 7:3

Ee BWANA Mlungu wapo, ikakaia nimkosere mndungi,

ISAYA 43:13

Ini ne Mlungu, nani neko Uo moni. Ndekuwadie mndungi udimagha kukira kufuma mkonunyi kwapo; nadabonya kazi mndungi usedimagha kuitangala.”

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

HOSEA 2:10

Idana nichafunukua wuchafu ghwake imbiri ya wakundwa wake, hata ungi ndechaapatika omvuvua kufuma mikonunyi kwapo.

HOSEA 5:14

Nichawikaba wandu wa Israeli na Juda sa shimba. Nichawirashua ini moni viluponge na kuwisigha. Ngelo nawifunya noko, ndekuchaakaia na mndungi owikira anduangi.

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

1 WATHESALONIKE 2:10

Inyo mo mashahidi, na Mlungu wori ni mshahidi, kukaia tabia edu aghadi konyu inyo warumirii erekoghe ielie, ndicha, na isewadie ikosa jingi;

JOSHUA 22:22

“Uo-Uwadie-Ndighi ni Mlungu, uo nuo BWANA! Uo-Uwadie-Ndighi ni Mlungu, Uo nuo BWANA! Uo wamanya kwaki dibonyere huwo, nesi dakunda na Israeli cheni imanye! Ikakaia dighalukie dikasigha kumrumiria BWANA, msedisighe kukaia moyo sena!