AYUBU 10:16 - Biblia Ilagho Jiboie Kwa Wandu Wose

¹⁶ Na iji nakukasa kwa ilagho jingi, kuanidiwa sa shimba; na kuwonyera ndighi rako reobosha kupate kunishoghonua.

AYUBU 10:16 ပူးပေါင်းရင်းမြစ်များ

AYUBU 13:24

Kwaki kunivisiragha wushu ghwako, na kunitala sa m'maiza wako?

AYUBU 16:9

Mlungu wanirashue-rashue kwa machu ghake; wazamilo ni ini na kuja maghegho aighu yapo. M'maiza wapo waawuyanizighana kiwiing'iwi.

AYUBU 5:9

Uo wadabonya maza ra mashiniko, na weke mwakilimbiti wisena mtalo.

ISAYA 38:13

Nakema ngilola wutesia hata nakesho; wachikanya maindi ghapo karakara na shimba, kula dime na kio kwanisoghora kaavui na kutua kwapo.

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

KILILO CHA JEREMIA 3:10

Orekoghe ukinilaliria sa kibarabara, ukaniramia sa shimba.

HOSEA 5:14

Nichawikaba wandu wa Israeli na Juda sa shimba. Nichawirashua ini moni viluponge na kuwisigha. Ngelo nawifunya noko, ndekuchaakaia na mndungi owikira anduangi.

AMOSI 3:8

Shimba yameria kururuma; nani useobuagha? BWANA wameria kughora; ni mlodi uao usefunyagha wulodi?”

WUKUMBUSO 28:59

BWANA uchakuredia oho na kivalwa chako makorongo gha kighenyi ghibirie na makongo mabaa ghisesiagha.