AYUBU 1:5 - Biblia Ilagho Jiboie Kwa Wandu Wose

⁵ Matuku gha karamu rawo ghikakatia, Ayubu orekoghe ukiwiwanga na kuwielesha. Orekoghe ukiwuka kokio, na kufunya vizongona vekora kwa wundu ghwa kula mwana wake; oreririkanyireghe kewada wana wake wabonyere kaung'a kwa kumdukana Mlungu wisemanyire. Huwo niko Ayubu orekoghe ukibonya tulituli.

AYUBU 1:5 ပူးပေါင်းရင်းမြစ်များ

KUZOYA 22:3

Abrahamu ukawuka nakesho kio, ukaala punda wake, nao ukadwa wadawana wawi andwamweri na mwana wake Isaaka, ukadumbua mbande kwa wundu ghwa icho kizongona chekora, ukawuka na kukughendia andu aho oreghoreloghe ni Mlungu.

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:20

Nao Nuhu ukamwaghia BWANA madhabahu; ukawada imu ya nyamandu rielie na imu ya nyonyi rielie, ukarifunya kizongona chekora aighu ya madhabahu.

1 WAZURI 18:31

Ukashoa magho ikumi na awi kunughana na vichuku ikumi na viwi va wana wa Jakobo, uo orewangiloghe Israeli ni BWANA.

1 WAZURI 21:10

Msaghuo wandu wandonyi wawi, muwiwike kaavui nao wipate kureda mashitaki aighu yake ghemzera, ‘Oho kwamsholia Mlungu na mzuri.’ Nao mumfunye shighadi, ulaso na magho hata ufo.”

1 WAZURI 21:13

Wandu wa ndonyi wawi wikangia na kusea kidombo kaavui na Nabothi; wikareda mashitaki aighu yake imbiri ya wandu wikighamba, “Nabothi wamsholia Mlungu na mzuri.” Wikamfunya shighadi ya muzi na kumlasa na magho hata ukafwa.

NEHEMIA 12:30

Wakohani na Walawi wikakuelesha weni, na kuwielesha wandu, na mbenge ra wurigha.

AYUBU 1:11

Ela idana inja ivi uko navo, kuwone seji uchaakuewia kukiwona woruwu.”

AYUBU 1:4

Wana wa Ayubu wa womi werekoghe wikibonya karamu kwa mazughe, nawo werekoghe wikiwikaribisha waruna wa waka wadadu wiche kuja na kunywa chiaimweri nawo.

AYUBU 2:9

Niko mkake ukamzera, “Kuduagha mloli? Muewie Mlungu kufo.”

AYUBU 27:10

Welee, uchaboilwa ni Uo-Uwadie-Ndighi-Rose? Uchakaia ukimlomba Mlungu ngelo rose?

AYUBU 41:25

Ukawuka, hata wandu wiwadie ndighi wadaobua; wangilwa ni kiture na kukimbia kwa wowa.

AYUBU 42:8

Idana mmbwade njau mfungade na bauru mfungade, mghende kwa mdumiki wapo Ayubu mfunye kizongona chekora kwa wundu ghonyu. Mdumiki wapo Ayubu uchamlombia, nani nichasikira malombi ghake nisechem'bonyera kunughana na wukelu ghonyu; kwa kukaia ndemdedie malagho gha loli aighu yapo sa mdumiki wapo Ayubu.”

AYUBU 6:14

“Mundu usemmboniagha mghenyi wake wughoma, oosigha kuja kuobua kwa Uo-Uwadie-Ndighi-Rose.

AYUBU 8:4

Wana wako weem'bonyera Mlungu kaung'a, niko uwisighie wipato ni kiwiwi chawo.

ZABURI 5:3

Kwadasikira lwaka lwapo nakesho ee BWANA. Nadabonya malombi luma lwa nakesho na kuweseria, na kuzighanira.

KUFUMA 18:12

Niko Jethro, mghosi wake Musa ukafunya kizongona chekora na vizongona vizima kwa Mlungu; na Haruni ukacha chiaimweri na waghosi wa Israeli wikajanya vindo na mghosi wa Musa kwa kumtasa Mlungu.

KUFUMA 19:10

Nao BWANA ukamzera, “Ghenda kuwizere wandu wikueleshe idime na kesho; kuwizere wioghoshe nguwo rawo,

KUFUMA 24:5

Niko ukawiduma wandu wa irika wa wandu wa Israeli, wikafunya vizongona vekora kwa BWANA; na ng'ombe rimu wikarifunya rikaie vizongona va mapatano.

MCHILI 9:10

Ijo jose kujibonyagha, bonya kwa kufunga ndighi; kwa kukaia ndekuwadie kazi ingi, angu ighesho jingi, angu kumanya kungi, hata hikima ingi andenyi ya wurumwengu ghwa wafu kwawuyakughendia.

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

EZEKIELI 14:14

Hata ngera awa wandu wadadu wadakaia aeni, Nuhu, Danieli, na Ayubu, wadadima tu kukira marangi ghawo kwa hachi yawo. Ini Bwana MLUNGU naghamba.

LUKA 1:75

kwa wueli na hachi imbiri kwake matuku ghose gha irangi jedu.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

JOHANE 11:55

Idana Ndima ya Pasaka ya Wayahudi erekoghe kaavui, na wandu wengi werejokieghe Jerusalemu, wipate kukuelesha Ndima iyo isevikie.

MABONYO GHA WADUMI 21:26

Niko Paulo ukawidwa waja wandu; na ituku ja kawi ukakuelesha uo moni chiaimweri nawo. Nakesho yaro, ukangia Hekalunyi andwamweri nawo ughore ni lii matuku gha kukuelesha ghisiagha, na kizongona chifunyo kwa wundu ghwa kula umu wawo.

MABONYO GHA WADUMI 8:22

Kwa huwu hea ichi kiwiwi chako, kulombe Bwana ngera idimika ukufue wughoma agho maghesho gha ngolo yako.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

1 SAMUELI 16:5

Nao ukatumbulia, “Ni kwa sere; naacha kum'bwaghia BWANA kizongona. Kueleshenyi mchanye nani kizongonenyi.” Ukamuelesha Jese na kumkaribisha chiaimweri na wana wake wikanye ngelo efunya kizongona.